ജീവിത പങ്കാളിയോട് നിങ്ങൾ കള്ളം പറഞ്ഞിട്ടുണ്ടോ? എങ്കിൽ അത് കണ്ടു പിടിക്കാനും നിരവധി മാർഗ്ഗങ്ങൾ ഉണ്ട്. ഇതിൽ  ഒരുപാട് രസകരമായ കാര്യങ്ങളും ഉൾപ്പെടുത്തുണ്ട്. ഒരു കള്ളം പറഞ്ഞ് തുടങ്ങി പിന്നീടങ്ങോട്ട് അതൊരു ശീലമായി മാറുന്നു. പല ആളുകളും ഇത്തരത്തിൽ നുണ പറയുന്ന കാര്യത്തിൽ സൂത്രശാലികൾ ആണ്.

  അവരെ കണ്ടെത്താനുള്ള ചില മാർഗ്ഗങ്ങൾ കണ്ടെത്തിയാലോ?  നിങ്ങളുടെ പങ്കാളി വേവലാതിയോടെ സംസാരിക്കുകയോ, നിങ്ങളുടെ കണ്ണിൽ നോക്കാതിരിക്കുകയോ, നിങ്ങൾ തിരിച്ച് എന്തെങ്കിലും ചോദ്യങ്ങൾ ചോദിക്കുമ്പോൾ അസ്വസ്ഥനാകുകയോ ചെയ്താൽ, അവർ നിങ്ങളോട് കള്ളം പറയുകയാണ് എന്നതിന്റെ സൂചനയായി ഇതിനെ കണക്കാക്കാം.

  നിങ്ങളുടെ പങ്കാളി നിങ്ങളോട് ഒരു കാര്യം പറയുകയും അതേകാര്യം തന്നെ മറിച്ച് ഒരു സുഹൃത്തിനോടോ അയൽക്കാരനോടോ വിവരിക്കുമ്പോൾ അതിൽ എന്തെങ്കിലും മാറ്റം വരുത്തുകയോ ചെയ്യുന്നുവെങ്കിൽ ഒരുപക്ഷേ അത് അവർ അത് നിങ്ങളോട് നുണ പറയാനായി അവർ മെനഞ്ഞെടുത്ത ഒരു കഥ ആയിരിക്കാൻ സാധ്യതയുണ്ട്.അവർ പലപ്പോഴും പരസ്പര വിരുദ്ധമായി സംസാരിക്കുകയും ഒപ്പം പറയാനുള്ള കാര്യത്തെ വഴിതിരിച്ചുവിടാൻ ശ്രമിക്കുകയും ചെയ്യുന്നുണ്ടെങ്കിൽ അവർ പറയുന്നത് കള്ളമാണോ എന്ന് സംശയിക്കേണ്ടിയിരിക്കുന്നു.

  അവർ കഥകളുടെ രൂപത്തിൽ പറയുന്ന ചെറിയ വിശദാംശങ്ങളിൽ അവർ തെറ്റുകൾ വരുത്തിയേക്കാം. അതിനുകാരണം അവ വെറും കഥകൾ മാത്രമാണ് എന്തുകൊണ്ടാണ്. മുൻകൂട്ടി തയ്യാറാക്കി വെച്ച പല നുണകഥകളും വിവരിക്കുന്നതിനിടയിൽ മാറ്റങ്ങൾ വരുത്താനുള്ള സാധ്യതയുണ്ട്. അതുകൊണ്ടുതന്നെ എല്ലാ കാര്യങ്ങളും വളരെ വിശദമായും കിറുകൃത്യമായും പറയുകയാണെങ്കിലും അവരെ സംശയിക്കേണ്ടിയിരിക്കുന്നു.

  കാരണം യഥാർത്ഥത്തിൽ നടന്ന കാര്യങ്ങളെല്ലാം ഒന്ന് പോലും തെറ്റാതെ കൃത്യമായി ഓർമ്മിച്ചു വയ്ക്കാൻ അധികം ആർക്കുമങ്ങനെ കഴിയില്ല. കാര്യങ്ങൾ വിവരിക്കുമ്പോൾ ഉള്ള കൃത്യത കള്ളം പറയാനുള്ള അവരുടെ കലാ ശേഷിയെ അടയാളപ്പെടുത്തുന്ന ഒന്നാണ്. ചില ആളുകൾ കള്ളം പറയുമ്പോൾ സൂക്ഷ്മമായ ചില ലക്ഷണങ്ങൾ മുഖത്തെ പ്രകടമാകുന്നു. മൂക്കിന്‍റെ ചലനം, കൈകൊണ്ടു വായ മറയ്ക്കുക, ശ്വാസത്തിന്‍റെ വേഗത കൂടുതലായിരിക്കുക, വിയര്‍ക്കുക എന്നീ ലക്ഷണങ്ങള്‍ ഉണ്ടോ എന്നു ശ്രദ്ധിക്കുക.

  ഇത്തരക്കാർ പലപ്പോഴും ഒരേ കാര്യങ്ങൾ തന്നെ വീണ്ടും ആവർത്തിച്ചു പറഞ്ഞു കൊണ്ടിരിക്കും. ഒപ്പം  തൻ്റെ നുണ മറച്ചുവെക്കാനായി അവർ വീണ്ടും ഓരോ ഒഴികഴിവുകളും അതിലധികം നുണകളും പറഞ്ഞുകൊണ്ടിരിക്കും അവർ പറഞ്ഞ നുണ സത്യമാണെന്ന് നിങ്ങളെ വിശ്വസിപ്പിക്കാനായി അവർ അവരുടെ കഴിവിന്റെ പരമാവധി പരിശ്രമിക്കുകയും ചെയ്യും.  

  തൻ്റെ പങ്കാളിയിൽ പൂർണ്ണ വിശ്വാസം അർപ്പിക്കുന്നതിൻ്റെയും അവരെ അകമഴിഞ്ഞ് സ്നേഹിക്കുന്നതിൻ്റെയും പ്രതീകമാണിത്. ആ വിശ്വാസം മാസം തിരിച്ചു കൊടുക്കേണ്ടത് ഓരോ പങ്കാളിയുടെയും കടമ കൂടിയാണ്. ബന്ധങ്ങളിൽ തമ്മിൽ പറയാനുള്ള വിവരങ്ങൾ‌ കുറച്ച് മാത്രമാണെങ്കിൽ പോലും പങ്കാളികൾ തമ്മിൽ കള്ളം പറയേണ്ട കാര്യമില്ല.

  പ്രത്യേകിച്ചും പറയുന്ന നുണകൾ ഒരിക്കൽ പിടിക്കപ്പെട്ടു കഴിഞ്ഞാൽ അതോടെ തീർന്നു കിട്ടും പങ്കാളിക്ക് നമ്മോടുള്ള വിശ്വാസം. അതായത് ദിവസവും നാമെല്ലാം കുറഞ്ഞത് എത്ര നുണകൾ പറയുന്നുണ്ട് ? വീട്ടിലും ഓഫീസിലും സുഹൃത്തുക്കൾക്കിടയിലുമായി ഓരോ ദിവസവും നമ്മൾ പറയുന്ന നുണകൾക്ക് കയ്യും കണക്കുമില്ല.