బుడుగు : ఎక్కువ మొబైల్ వినియోగం.. మీ పిల్లల జీవితాన్ని చేస్తుంది అంధకారం.. !!
ముఖ్యంగా స్మార్ట్ ఫోన్లలో వీడియోలు చూడటం, గేమ్స్ ఆడటం వంటివి చేస్తూ వాటినే లోకంగా మార్చేసుకుంటున్నారు. పైగా తల్లిదండ్రులే వాటిని తమ పిల్లల చేతికి అందించి ముచ్చటపడుతున్నారు. ఇలా సెల్ఫోన్ చూడటానికి అలవాటు పడి ఎలాంటి ఆటలు ఆడకపోవడంతో శారీరక సమస్యలు వచ్చే అవకాశాలు కూడా ఉన్నాయి.శరీరానికి సరిపడా వ్యాయామం లేక ఉభయకాయం వచ్చే ప్రమాదం ఉంది. అలాగే స్మార్ట్ ఫోన్లు చిన్న పిల్లల్లో అంధత్వానికి కారణమవుతున్నాయి. వాళ్లను గుడ్డివాళ్లుగా మార్చేస్తున్నాయి. ఇలా సెల్ఫోన్లు చూస్తూ చూపు కోల్పోతున్న కేసులు అనేకం నమోదవుతున్నాయని వైద్యులు కూడా చెబుతున్నారు.
చిన్న పిల్లలు స్మార్ట్ ఫోన్లు పట్టుకుని వీడియోలు చూడటం వల్ల దగ్గర దృష్టికే అలవాటు పడి దూరంగా ఉన్న వస్తువుల్ని చూడలేని పరిస్థితులు వస్తున్నాయి. అలాగే స్మార్ట్ ఫోన్ లైటింగ్ వల్ల కంటి చూపు దెబ్బతిని వారి కళ్లు మసకగా మారడంతో పాటు చూపులో స్పష్టత కూడా కోల్పోతున్నారని డాక్టర్లు చెబుతున్నారు. అందుకనే చిన్నవయసులోనే కళ్లజోళ్లు పడుతున్నాయి.. పిల్లలకు సరదాగా అలవాటు చేసిన ఫోను రేపు భవిష్యత్తులో చాలా ప్రమాదకరం అవుతుందని గుర్తుపెట్టుకోండి.. !!