గుండెపోటు వచ్చే ముందు కనిపించే సంకేతాలు?
నేటి కాలంలో మనలో చాలా మంది కూడా గుండె సంబంధిత సమస్యలతో ఎంతగానో బాధపడుతున్నారు.చాలా చిన్న వయస్సులోనే గుండె పోటు సమస్యతో మరణిస్తున్నారు. జిమ్ చేస్తూ, డాన్స్ చేస్తూ చాలా మంది ఆరోగ్యవంతులు కూడా చాలా చిన్న వయస్సులోనే మరణిస్తున్నారు.అయితే గుండె సమస్యలు రావడానికి ముందు ఖచ్చితంగా కొన్ని సంకేతాలు కనిపిస్తాయి.అవేంటో తెలుసుకొని ముందు జాగ్రత్తలు తీసుకుంటే ఈజీగా గుండె సమస్యలు తగ్గించుకోవచ్చు.గుండె సమస్యలతో బాధపడే వారు బరువు ఎక్కువగా పెరుగుతారు. ఆకస్మికంగా బరువు పెరగడాన్ని గమనించినట్లయితే నిర్లక్ష్యం చెయ్యవద్దు. ఇక ఈ సమస్యతో బాధపడే వారిలో ఆకలి వేయడం తగ్గుతుంది. వికారంగా ఉంటుంది.అలాగే గుండె వైఫల్యం చెందుతున్నప్పుడు దగ్గు ఎక్కువగా వస్తుంది. దగ్గుతో పాటు తెల్లటి లేదా గులాబి రంగులో ఉండే శ్లేష్మం కూడా వస్తుంది. ఇది కూడా గుండె వైఫల్యానికి సంకేతంగా భావించాలి. అదేవిధంగా సిహెచ్ఎఫ్ తో బాధపడే వారిలో పొట్టలో నీరు చేరి పొట్ట ఉబ్బినట్టుగా ఉంటుంది.
ఈ సమస్యను కూడా మనం గుండె వైఫల్యానికి హెచ్చరికగా భావించాలి.సమస్యతో బాధపడే వారిలో శ్వాస తీసుకోవడంలో చాలా ఇబ్బందిగా ఉంటుంది. మెట్లు ఎక్కేటప్పుడు, వేగంగా నడిచేటప్పుడు, శారీరక శ్రమ చేసేటప్పుడు ఊపిరి తీసుకోవడం చాలా కష్టంగా ఉంటుంది. శ్వాస తీసుకోవడానికి శ్రమించాల్సి ఉంటుంది. అలాగే చిన్న చిన్న పనులకే శరీరం అలిసిపోయినట్టుగా అవుతుంది. విపరీతమైన అలసట, నీరసం వంటి లక్షణాలను మనం గమనించినట్టయితే ఇది గుండె వైఫల్యానికి గుర్తుగా భావించాలి. సిహెచ్ఎఫ్ తో బాధపడే వారిలో పాదాలు, కాళ్లు, చీలమండలంలో నీరు చేరి అవి ఉబ్బిపోతాయి. అలాగే పొత్తి కడుపు కూడా నీరు చేరి లావుగా తయారవుతుంది. అదేవిధంగా గుండెలయ దెబ్బతింటుంది. గుండె దడగా ఉంటుంది. గుండె క్రమరహితంగా కొట్టుకుంటుంది. కొన్నిసార్లు గుండె కొట్టుకునే శబ్దం కూడా మనకు వినిపిస్తుంది. ఈ లక్షణాలు కనిపించిన వెంటనే వైద్యున్ని సంప్రదించడం చాలా అవసరం. ఇక మనం రోజూ చేసే వ్యాయామాలు కూడా సరిగ్గా చేయలేకపోతాము.వ్యాయామం చేయడం కష్టతరంగా మారుతుంది. అలాగే శ్వాస తీసుకునేటప్పుడు గురక లేదా ఎక్కువగా శబ్దాలు వస్తూ ఉంటాయి. ఈ లక్షణం కనిపించిన వెంటనే గుండె సంబంధిత పరీక్షలు చేయించుకోవాలి.