గ్యాస్ సమస్యను చిటికెలో పోగొట్టే వంటింటి చిట్కాలు
మజ్జిగ
మజ్జిగను ఆయుర్వేద నిపుణులు సాత్విక ఆహారం అంటారు. గ్యాస్ ప్రాబ్లెమ్ అనిపిస్తే ఒక గ్లాసు మజ్జిగను తాగి ప్రయత్నించండి. మజ్జిగలో లాక్టిక్ ఆమ్లం ఉంటుంది. ఇది గ్యాస్ట్రిక్ ఆమ్లతను సమతుల్యం చేయడానికి సహాయపడుతుంది. ఈ మజ్జిగకు నల్ల మిరియాలు లేదా కొంచం కొత్తిమీరను మజ్జిగకు చేర్చుకోవచ్చు.
లవంగాలు
లవంగం కార్మినేటివ్ ప్రభావాన్ని కలిగి ఉంటుంది. ఇది జీర్ణశయాంతర ప్రేగులలో గ్యాస్ పెరుగుదలను నిరోధిస్తుంది. కడుపులో అసౌకర్యాన్ని తగ్గిస్తుంది. రాజ్మా లేదా బ్లాక్ గ్రామ్ వంటి వాటితో వంట చేసేటప్పుడు లవంగాలను వాడితే గ్యాస్ సమస్య నుంచి ఉపశమనం పొందొచ్చు.
జీలకర్ర
జీర్ణ వ్యవస్థను ఆరోగ్యంగా ఉంచడంలో జీలకర్ర సహాయపడుతుంది. తిన్న తర్వాత వేయించిన జీలకర్ర పొడిని ఒక గ్లాసు నీటిలో వేసి తాగొచ్చు. లేదంటే ఒక టీస్పూన్ జీలకర్రను ఒక గ్లాసు వేడి నీటితో కలిపి త్రాగవచ్చు.
ఆపిల్ సైడర్ వెనిగర్
అసిడిటీ నుంచి ఉపశమనం పొందడానికి రెండు టేబుల్ స్పూన్ల ఫిల్టర్ చేయని యాపిల్ సైడర్ వెనిగర్ ఒక గ్లాసు నీటిలో రోజుకు ఒకటి లేదా రెండుసార్లు తాగండి.
అరటి
అరటి పండులో సహజ యాంటాసిడ్లు పుష్కలంగా ఉంటాయి. ఇవి యాసిడ్ రిఫ్లక్స్ను నిరోధించడంలో సహాయపడతాయి. అసిడిటీని తగ్గించడానికి ఇది బెస్ట్ హోం రెమెడీ. గ్యాస్ నొప్పిని నివారించడానికి మీరు ప్రతిరోజూ ఒక అరటిపండు తినవచ్చు.
దాల్చిన చెక్క
ఈ మసాలా సహజ యాంటాసిడ్గా పని చేస్తుంది. ఇది జీర్ణక్రియను మెరుగుపరచడానికి సహాయపడుతుంది. జీర్ణశయాంతర ప్రేగులలో ఇన్ఫెక్షన్లను నయం చేయడానికి దాల్చిన చెక్క టీని తీసుకోండి. దాల్చిన చెక్క ఆరోగ్యానికి పోషక శక్తిని అందిస్తుంది.
తులసి ఆకులు
తులసి ఆకులు అసిడిటీ నుండి తక్షణ ఉపశమనాన్ని అంఅందిస్తాయి. గ్యాస్ అనిపించినప్పుడు కొన్ని తులసి ఆకులను తినండి లేదా 3-4 తులసి ఆకులను ఒక గ్లాసు నీటిలో కొన్ని నిమిషాలు ఉడకబెట్టండి. మీరు దీన్ని క్రమం తప్పకుండా తీసుకోవచ్చు.