ഡിസൈനർ സ്പർശമേകി തുണി മാസ്ക്കുകൾ: ഒപ്പം ശാലിനി ജെയിംസിന്റെ മോഡലായി റിമ കല്ലിങ്കലും
ഡിസൈനർ സ്പർശമേകി തുണി മാസ്ക്കുകൾ: ഒപ്പം ശാലിനി ജെയിംസിന്റെ മോഡലായി റിമ കല്ലിങ്കലും. വൻകിട ഫാഷൻ ബ്രാൻഡുകൾ വിവിധ ഫാഷനിലെ മാസ്ക്കുകളുമായി ഇപ്പോൾ രംഗത്തുണ്ട്. അതിനിടയിലാണ് തികച്ചും വ്യത്യസ്തമായി തുണി കൊണ്ടുള്ള മാസ്കുകൾക്ക് രൂപ കൽപ്പന ചെയ്തിരിക്കുന്നത്. ആരോഗ്യകരവും ആകർഷണീയവുമായ മാസ്ക്കുകളുടെ മോഡലായിരിക്കുന്നത് റിമ കല്ലിങ്കൽ ആണ്.
പ്രമുഖ ഫാഷൻ ഡിസൈനറും മന്ത്ര ബൊട്ടീക്ക് ഉടമയുമായ ശാലിനി ജെയിംസ് ഡിസൈൻ ചെയ്ത തുണികൊണ്ടുള്ള മാസ്ക്കുകൾ സംസ്ഥാനത്തും ശ്രദ്ധേയമാകുകയാണ്. കഴുകി വീണ്ടും ഉപയോഗിയ്ക്കാവുന്ന മാസ്ക്കുകൾ 100 ശതമാനം കോട്ടൺ തുണിയിൽ തീർത്തതാണ്. കൂടുതൽ പേർ മാസ്ക്കുകൾ ആവശ്യപ്പെട്ട് സമീപിച്ചു തുടങ്ങിയതോടെ മാസ്ക്ക് നിർമാണത്തിലേക്കും ശ്രദ്ധ കേന്ദ്രീകരിയ്ക്കുകയാണ് ശാലിനിയും സംഘവും.
പ്രിൻറഡ്, പ്ലെയിൻ മാസ്ക്കുകൾ ലഭ്യമാണ്. മൂന്ന് ലെയറുകളിൽ തീർത്ത മാസ്ക്കിന് പ്ലെയിന് 65 രൂപയും പ്രിൻറഡിന് 90 രൂപ മുതലുമാണ് വില. 50 മാസ്ക്കുകളിൽ കൂടുതൽ ഓർഡർ ചെയ്യുന്നവർക്ക് ഡിസ്കൗണ്ട്നൽകും. ആരോഗ്യ കുടുംബക്ഷേമ വകുപ്പിൻറെ ക്യാംപെയ്നു വേണ്ടിയാണ് മാസ്ക്കുകൾ ഡിസൈൻ ചെയ്തത്. ആരോഗ്യ വകുപ്പും റിമ കല്ലിങ്കലും മാസ്ക്ക് അണിഞ്ഞു നിൽക്കുന്ന ചിത്രം ഇൻസ്റ്റഗ്രാമിൽ പങ്കു വെച്ചിരുന്നു. അതോടെ പ്രിൻറഡ് മാസ്ക്കുകൾക്ക് ഡിമാൻഡും ഏറി.
പോലീസ് ഡിപ്പാർട്ട്മെൻറിന് വേണ്ടിയും മാസ്ക്കുകൾ നൽകിയിരുന്നു. പ്രമുഖ ഫാഷൻ ഡിസൈനറും മന്ത്ര ബൊട്ടീക്ക് ഉടമയുമായ ശാലിനി ജെയിംസ് ഡിസൈൻ ചെയ്ത തുണികൊണ്ടുള്ള മാസ്ക്കുകൾ സംസ്ഥാനത്തും ശ്രദ്ധേയമാകുകയാണ്. കൊറോണക്കാലത്ത് അപ്രതീക്ഷിതമായി എത്തി നമ്മുടെ നിത്യജീവിതത്തിൻറെ ഭാഗമായി മാറിയിരിക്കുകയാണ് മാസ്ക്കുകൾ.
എട്ടു രൂപയും 10 രൂപയും വിലയുള്ള മാസ്ക്കുകൾ മുതൽ 1000 രൂപ വിലയുള്ള ഡിസൈനർ മാസ്ക്കുകൾ വരെ വിപണിയിൽ ലഭ്യമാണ്. അതേസമയം വീണ്ടും ഉപയോഗിക്കാം എന്നതുകൊണ്ടുതന്നെ ചെലവ് താരതമ്യേന കുറവാണ് തുണി കൊണ്ടുള്ള മാസ്കുകൾക്ക്. തുണി കൊണ്ടുള്ള മാസ്കിന്റെ ഏറ്റവും വലിയ പ്രത്യേകത നമ്മുടെ സൗകര്യാനുസരണം വീട്ടിൽത്തന്നെ നിർമിക്കാമെന്നതാണ്. പൊതുയിടങ്ങൾ പോകുമ്പോഴും, ദൈനംദിന സാഹചര്യത്തിലും ഇത്തരം മാസ്കുകളാണ് ജനങ്ങൾക്ക് ഗുണപ്രദം.
കോവിഡ്-19 വ്യാപനം തടയാൻ ഉപയോഗിക്കുന്ന മാസ്കുകളിൽ നല്ലത് തുണികൊണ്ട് നിർമ്മിച്ചവ. സോപ്പുപയോഗിച്ച് കഴുകി വൃത്തിയാക്കി പുനരുപയോഗിക്കാമെന്നതാണ് കോട്ടൺ തുണികൊണ്ടുള്ള മാസ്കുകൾ പ്രത്യേകത.
വീണ്ടും ഉപയോഗിക്കാം എന്നതുകൊണ്ടുതന്നെ ചെലവ് താരതമ്യേന കുറവാണ്. ഒറ്റത്തവണ ഉപയോഗിക്കുന്ന മാസ്ക് ഓരോ തവണയും ധരിച്ചശേഷം കളയുന്നതുമൂലമുള്ള മാലിന്യത്തിന്റെ തോത് ഗണ്യമായി കുറയ്ക്കാനുമാകും.