విధి ఆడిన నాటకం.. అన్నని బస్సు ఎక్కించి.. అదే బస్సు కింద పడిన చెల్లి?
దీంతో అప్పటివరకు కళ్ళ ముందు సంతోషంగా ఆడుకున్న చిన్నారులు అంతలోనే అనూహ్య ఘటనలతో కానరాని లోకాలకు వెళ్ళిపోతూ ఉంటారు. దీంతో అల్లారూ ముద్దుగా పెంచుకున్న పిల్లలు ఇక లేరు అన్న విషయాన్ని జీర్ణించుకోలేక తల్లితండ్రులు అరణ్య రోదనలో మునిగి పోతూ ఉంటారు అన్న విషయం తెలిసిందే. ఇక ఇక్కడ వెలుగులోకి వచ్చిన ఘటన చూస్తే విధికి కాస్తయినా జాలి లేదా అనే భావన ప్రతి ఒక్కరికి కూడా కలుగుతూ ఉంటుంది. ఏకంగా అన్నను స్కూల్ బస్సు ఎక్కించేందుకు అమ్మమ్మతో కలిసి వెళ్లిన చిన్నారి.. చివరికి అదే స్కూల్ బస్సు కింద పడి ప్రాణాలు కోల్పోయింది. ఈ ఘటన హైదరాబాద్ నగరంలోని హబ్సిగూడలో వెలుగులోకి వచ్చింది.
జాన్సన్ గ్రామర్ స్కూల్ బస్సు రోజువారి మాదిరిగానే పిల్లలను ఎక్కించుకోవడానికి రవీంద్ర నగర్ కు వెళ్ళింది. అక్కడ ఒక చిన్నారి తన అన్నను బస్సు ఎక్కించడానికి అమ్మమ్మతో కలిసి వచ్చింది. అయితే పాప తండ్రి బాబుని బస్సు ఎక్కిస్తుండగా.. పాప అమ్మమ్మ నుంచి విడిపించుకుని బస్సు ముందుకు వచ్చింది. అది ఎవరు గమనించకపోవడంతో బస్సు డ్రైవర్ ముందుకు పోనిచ్చాడు. దాంతో పాప బస్సు కింద పడిపోయింది అని కుటుంబ సభ్యులు ఆందోళన చేపట్టారు. విషయం తెలుసుకున్న పోలీసులు చిన్నారి మృతదేహాన్ని గాంధీ ఆసుపత్రికి తరలించి.. కేసు నమోదు చేసుకుని దర్యాప్తు చేస్తూ ఉన్నారు.