నీటి కుండ ముట్టుకున్నాడని.. దళిత విద్యార్థిని చంపేసిన టీచర్?
ఇక్కడ ఇలాంటి తరహా ఘటన వెలుగులోకి వచ్చింది అని చెప్పాలి. కుండలో ఉన్న నీరు తాగడానికి దాని ముట్టుకున్నాడు అన్న కారణంతో ఓ దళిత విద్యార్థిని దారుణంగా కొట్టాడు ఒక టీచర్. కేవలం ఆ కుండలో నీళ్లు అగ్ర వర్గాల కోసం మాత్రమే.. దాన్ని ఎందుకు ముట్టుకున్నావు అంటూ తిడుతూ దారుణంగా చితకబాదాడు. చివరకు తీవ్ర గాయాలపాలైన ఆ విద్యార్థి చికిత్స పొందుతూ చివరికి ప్రాణాలు వదిలాడు. ఈ దారుణ ఘటన రాజస్థాన్లోని జాలోర్ జిల్లాలో వెలుగులోకి వచ్చింది. సూరన గ్రామంలో చోటు చేసుకుంది.. కేసు నమోదు చేసుకున్న పోలీసులు దర్యాప్తు చేస్తున్నారు.
సూరన గ్రామంలో ఓ ప్రైవేటు పాఠశాలలో చదువుతున్న 9 ఏళ్ల బాలుడు ఇటీవలే దాహం వేయడంతో ఇక క్లాస్ పక్కనే ఉన్న కుండలో నీళ్లు తాగాలి అని భావించాడు. అయితే కేవలం అగ్రవర్ణ కులాల పిల్లలు మాత్రమే తాగేందుకు ఆ కుండ ఏర్పాటు చేశారట. కానీ ఈ విషయం బాలుడికి తెలియదు. దీంతో నీరు తాగేందుకు ఆ కుండను ముట్టుకున్నాడు. ఇంకేముంది అతనిపై టీచర్ కోపంతో ఊగిపోయాడు. ఆ కుండను ఎందుకు ముట్టుకుంటావు అంటూ తీవ్రంగా కొట్టాడు. తర్వాత వారిని ఆస్పత్రికి తరలించగా చికిత్స పొందుతూ మృతి చెందాడు. బాలుడు మృతి పై రాజస్థాన్ ప్రభుత్వం 5లక్షల పరిహారం ప్రకటించింది. ఇలాంటి చర్యను ఖండిస్తున్నట్లు ముఖ్యమంత్రి తెలిపారు.