మత్తు మందు ఇచ్చి ఫ్యామిలీ మొత్తాన్ని చంపి చచ్చిపోయింది...!
డాక్టర్ రాణే నగరంలోని అవంతి ఆసుపత్రి లో పని చేశారని అధికారులు పేర్కొన్నారు. పోలీసులు మంగళవారం ఈ కేసుకి సంబంధించి కీలక విషయాలను వెల్లడించారు. ఉదయం 6 గంటలకు స్కూటీలో తన కుమార్తెతో పాటు ఆసుపత్రికి వెళ్లి మత్తు మందును తెచ్చారని వార్తా సంస్థ ప్రెస్ ట్రస్ట్ ఆఫ్ ఇండియాకు వివరించారు. "ఇంటికి తిరిగి వచ్చిన తరువాత, ఆమె తన భర్త మరియు ఇద్దరు పిల్లలకు మత్తుమందు అధిక మోతాదులో ఇంజెక్ట్ చేసి, ఆపై ఉరి వేసుకుంది" అని కొరాడి పోలీస్ స్టేషన్ అధికారి బుధవారం మీడియాకు వివరించారు.
"ధీరజ్ మరియు ఇద్దరు పిల్లల మృతదేహాలను కనుగొన్న గది నుండి పోలీసులు రెండు సిరంజిలను స్వాధీనం చేసుకున్నారని ఆయన పేర్కొన్నారు. ఇంటి పెరటిలో మరొక సిరంజి మరియు అనస్థీషియా ఖాళీ సీసా కనుగొన్నామని పేర్కొన్నారు. కొన్ని ఖాళీ మద్యం సీసాలు కూడా ఇంటి నుండి స్వాధీనం చేసుకున్నామని పేర్కొన్నారు. ధీరాజ్ ఇంట్లో మద్యం సేవించే వాడని పేర్కొన్నారు. అవంతి హాస్పిటల్ వైద్యులు, మరియు ధీరాజ్ పనిచేసే కాలేజి ప్రిన్సిపాల్ మరియు ఉపాధ్యాయులు, వీరు ఎదుర్కొంటున్న సమస్యల గురించి తమకు తెలియదని చెప్పారు. ఫోరెన్సిక్ పరిక్షల తర్వాత వారి మృతదేహాలను కుటుంబ సభ్యులకు అందించామని పోలీసులు మీడియాకు తెలిపారు.