అమ్మాయిల కురులు పొడవుగా ఒత్తుగా కావాలా?
జుట్టు పెరుగుదలకు ఉల్లిపాయ చాలా పెద్ద మేలు చేస్తుందని అందరికీ తెలిసిందే. కాగా ఈ మిశ్రమాన్ని తయారు చేయడానికి, ముందుగు పెద్దవి అయితే నాలుగు లేదా చిన్నవి అయితే ఐదు ఉల్లిపాయలను తీసుకుని మిక్సికి వేసి బాగా మెత్తను పేస్ట్ లా చేసుకోవాలి. తరువాత అందులో నుండి రసాన్ని టీ వడకట్టే ఫిల్టర్ ను ఉపయోగించి వేరు చేయాలి. ఈ రసాన్ని ఒక గిన్నెలోకి తీసుకుని ఇందులో నాలుగైదు చుక్కల ఎసెన్షియల్ ఆయిల్ ను కలపాలి. అందులోనే ఒక టీస్పూన్ తేనెను వేసి బాగా మిక్స్ చేయాలి. ఈ మిశ్రమాన్ని కుదుళ్లకు పట్టేలా తలకు బాగా అంటుకుని దాదాపు అరగంట పాటు మసాజ్ చేసుకోవాలి.
ఆ తరవాత రాత్రంతా అలాగే వదిలి ఉదయం గోరువెచ్చటి నీటితో తలస్నానం చేయాలి. ఇలా వారానికి ఒకసారైనా చేయడం వలన మీ జుట్టు రాలడం తగ్గుతుంది. పొడవు కూడా బాగా పెరుగుతుంది. ఇలా చేయడం మొదలు పెట్టిన ఒకటి రెండు నెలల్లోనే మీకు మీ జుట్టు రాలడం, పొడవు పెరగడంలో మార్పు కనిపిస్తుంది. మీ జుట్టు దృఢంగా పొడవుగా ఒత్తుగా పెరగడానికి ఇదో చక్కటి ఉపాయం.