ముఖ సౌందర్యానికి చిట్కాలు!
ముఖ సౌందర్యానికి ఇంటి చిట్కాలు: ఒక స్పూన్ పసుపు లో పాలమీద మీగడ, శనగ పిండి కలిపి ప్రతి రోజు రాసుకుంటే ముఖచర్మం స్మూత్ గా,కాంతివంతంగా ఉంటుంది. జీలకర్ర, పసుపు, గంధం పొడి కలిపి మెత్తగా నూరి ప్రతిరోజు రాసుకుంటే ముఖ సౌందర్యం అద్భుతంగా వృద్ది చెందుతుంది. దాల్చిన చెక్క పొడి, నిమ్మరసం సమ పాళ్ళ లో కలిపి మొటిమలు, నల్ల మచ్చలు ఉన్న చోట రాస్తే అవి పోతాయి. పెసర పిండిని ముఖానికి పట్టించి నీటితో శుభ్ర పరుస్తూ ఉంటే కొన్ని రోజుల్లోనే చర్మం కాంతివంతంగా మారుతుంది.
సెనగ పిండిలో పాల మీద మీగడ, కొంచెం నిమ్మరసం కలిపి ముఖానికి ప్యాక్ లాగా వేస్తే మొటిమలు రావు. లేత కొబ్బరిని ప్రతి రోజు ముఖంపై రాస్తూ ఉంటే చర్మం స్మూత్ గా మారి మొటిమలు రానివ్వవు. తోట కూర రసంలో కొద్దిగా పసుపు కలిపి ముఖానికి రాసుకుంటే చర్మం పై ముడతలు పోతాయి. ఇంకా గులాబి రేకులు ముద్దగా నూరి ముఖానికి ప్యాక్ లాగా వేస్తే మంచి ఉపయోగం. బంతి పువ్వుల రేకులు నూరి అందులో కొంచెం తేనె కలిపి ముఖానికి రాస్తే ముఖం కళకళలాడుతుంది.