తెలుగమ్మాయి 'అంజలి' దశ తిరిగేనా ?
షాపింగ్ మాల్, జర్నీ లాంటి సినిమాలు తెలుగులో సక్సెస్ అవ్వటంతో అంజలికి ఇక్కడ మంచి గుర్తింపు వచ్చింది . అయితే తన కెరీర్లో ఆమెకు దక్కిన అతిపెద్ద ఆఫర్ సీతమ్మ వాకిట్లో సిరిమల్లె చెట్టు. ఈ సినిమాలో గోదావరి యాస, భాష తెలిసిన నటిగా సీత పాత్రకు న్యాయం చేయటమే కాకుండా వెంకటేష్ కి జంటగా అంజలి అద్భుతంగా చేశారు.
అటు తర్వాత రవితేజ హీరోగా దర్శకుడు గోపీచంద్ మలినేని తెరకెక్కించి బలుపు మూవీ మంచి విజయం అందుకుంది. ఈ మూవీతో మరో హిట్ తన ఖాతాలో వేసుకుంది అంజలి. అంతే కాకుండా మసాలా, గీతాంజలి ఇలా తెలుగులో వరుస ఆఫర్స్ రావటంతో పాటు, పవన్ లేటెస్ట్ బ్లాక్ బస్టర్ వకీల్ సాబ్ చిత్రంలో కూడా అంజలి కీలక పాత్ర పోషించిన విషయం తెలిసిందే.
కాగా అంజలి ఇప్పుడు బైరాగి అనే కన్నడ చిత్రంతోపాటు 'నయట్టు' తెలుగు రీమేక్ లో నటిస్తున్నారు. అయితే కెరీర్ ఇలా మూవీస్ తో బిజీగా ఉండగా సోషల్ మీడియాలో కూడా అల్లాడిస్తు క్యూట్ క్యూట్ ఫోటోలు షేర్ చేస్తూ ఫ్యాన్స్ ని ఎంతగానో ఎంటర్టైన్ చేస్తున్నారు. కాగా కొంచెం అవకాశాలు తగ్గిన అంజలి మళ్ళీ తన లేటెస్ట్ ఫిలిమ్స్ తో ఆకట్టుకుని టాలీవుడ్ లో మోస్ట్ వాంటెడ్ హీరోయిన్ గా మారుతుందా అన్నది చూడాలి.