అమ్మ: పిల్లలకు పాలు ఇచ్చే తల్లులు ఆల్కహాల్ తాగవచ్చా... ?
బిడ్డకు మొదటి మూడు నెలలు తల్లిపాలే ఏకైక ఆహారం కావున ఆల్కహాల్ తాగిన పాలను పిల్లలు తాగితే వారి ఆరోగ్యంపై దీర్ఘకాలంలో ప్రభావం పడుతుంది.తల్లి ఏలాంటి ఆహారం తీసుకున్న అది తల్లిపాలల్లోకి చేరుతుంది. తల్లిపాలల్లో అవసరమైన ముఖ్యపోషకాలన్నీ ఎంత కావాలో అంతలో ఉంటాయి. అయితే ఆల్కహాల్ తీసుకోవడం వలన పోషకాల విలువలు తగ్గుతాయి.మెదడులో ఎక్కువ మోతాదులో ఆల్కహాల్ చేరితే పుట్టిన బేబీకి హాని జరగవచ్చు. అలాగే రానున్న రోజుల్లో వీరికి కాలేయ సమస్యలు వచ్చే అవకాశం ఎక్కువగా ఉంటుంది.
అంతేకాదు రోజువారీ ఆహారంలో ఆల్కహాల్ ఉండటం వలన ఫోలెట్ తగ్గిపోతుంది.
తల్లిపాలల్లో ఆల్కహాల్ ఉండి అది తాగిన శిశువులు ఎప్పుడూ చిరాగ్గా ఉంటూ, ఎక్కువగా ఏడుస్తూ ఉంటారు. దీనికి గల కారణం ఆ శిశువులు సరిగ్గా నిద్రపోకపోవడమే.నిద్ర పట్టక అస్తమానం ఏడుస్తూ ఉంటారు.అలాగే పుట్టిన బిడ్డకు అయినా,తల్లికి అయినా రోగనిరోధక శక్తి అనేది చాలా ముఖ్యం. తల్లి ఇచ్చే పాలల్లో రోగనిరోధక శక్తి అనేది చాలా ఎక్కువగా ఉంటుంది.అటువంటి పాలు ఆల్కహాల్ అనే విషపదార్ధం కలవడం వల్ల విషపూరితం అవుతాయి. అందుకే పాలు ఇచ్చే తల్లులు ఆల్కహాల్ కు దూరంగా ఉంటే ఇద్దరి ఆరోగ్యానికి మంచిది.. !