విజయం మీదే: ఒంటరితనంతో గెలుపు మీ సొంతం...?
అయితే ప్రతి సమస్యను పది మందిలో ఉంచి పరిష్కారం కోసమో , ఓదార్పు కోసమో ఎదురు చూస్తే పొరపాటే. కొన్ని సమస్యలకు ఒంటరిగానే ఆలోచించి నిర్ణయం తీసుకోవాల్సి ఉంటుంది. అలా కాకుండా నలుగురికి వాటి గురించి చెబితే సమస్య మరింత పెరిగే అవకాశం లేకపోలేదు. ఉదాహరణకు వ్యాపార అభివృద్దే తమ విజయంగా భావించే వారు, తమ వ్యాపారంలో సమస్యలు వచ్చినప్పుడు వాటిని అందరికీ చెప్పి సలహాలు తీసుకోవడం మంచిది కాదని కొందరి వ్యాపార వేత్తల అభిప్రాయం. ఎందుకంటే వ్యాపార రంగంలో ఎక్కువ మంది ప్రత్యర్ధులు ఉంటారు వారిని అధిగమిస్తేనే మీకు విజయం అందుతుంది అలాంటప్పుడు మీ వ్యాపార సమస్యలు అంటే అవి రహస్యాలు అలాంటపుడు వాటిని అందరికీ చెప్పరాదు.
ఒంటరిగానే డిసిషన్ తీసుకోవడం మంచిది లేదా మీ కుటుంబ సభ్యులతో చర్చించి వారి అభిప్రాయాలు తీసుకుని ఫైనల్ గా డిసైడ్ అవ్వడం మంచిది. వ్యాపారం అని మాత్రమే కాకుండా మానసికంగా మీరు కుంగిపోయి సమస్యలు ఎదురైనప్పుడు ఒంటరిగా ఉండి ఆలోచించడం వలన మీ తప్పొప్పులు, సామర్థ్యాలు అన్నిమీకే అర్థమవుతాయి. ఒంటరి తనం కొన్ని సందర్భాల్లో మరింత కంఫర్ట్ గా ఉంటుంది. అది మీకు సమస్యల నుండి బయట పడడానికి ఉపయోగపడుతుందని అంటున్నారు.