విజయం మీదే : ధైర్యం, విశ్వాసంతో ప్రయత్నిస్తే ఏ పనిలోనైనా విజయం మీ సొంతం
మనం ఒక లక్ష్యాన్ని ఎంచుకున్న తరువాత ఆ లక్ష్యాన్ని సాధించే క్రమంలో ఎన్నో ఇబ్బందులు ఎదురవుతూ ఉంటాయి. అలాంటి సందర్భాల్లో ధైర్యంగా ముందడుగు వేయలేకపోతే వ్యతిరేక ఫలితాలు వస్తాయి. మనపై మనకు విశ్వాసం లేకపోతే విజయం సాధించే పనుల్లో సైతం అపజయమే ఎదురయ్యే అవకాశాలు ఉంటాయి. జీవితంలో చాలామంది తొలి ప్రయత్నంలోనే సక్సెస్ కారు. సక్సెస్ కోసం ప్రయత్నించే క్రమంలో ఎన్నో ఇబ్బందులు ఎదురవుతాయి
అనుకున్న లక్ష్యాన్ని సాధించాలంటే మొదట సిలబస్కు తగ్గట్టు సరికొత్త వ్యూహాలతో విశ్లేషణ కోణంలో ప్రిపరేషన్ సాగించాలి. పరీక్షలో ఎక్కువగా ప్రాధాన్యత ఉన్న అంశాలను గుర్తించాలి. సక్సెస్ సాధించాలంటే విజయాలను సాధించిన వ్యక్తుల జీవితాల నుంచి మంచి విషయాలను స్వీకరించి వాటి మార్గ నిర్దేశకత్వంలో నడవాలి. సరైన లక్ష్యాన్ని ఎంచుకుని ఆత్మవిశ్వాసంతో నిర్మాణాత్మకంగా ఆలోచిస్తూ ముందడుగులు వేయాలి.
సమస్యలు ఎదురైతే సరైన సమయంలో సరైన నిర్ణయం తీసుకుని దాన్ని అమలు చేయాలి. నిర్లక్ష్య భావాలను వీడి లక్ష్యంపై దృష్టి పెట్టి పట్టుదల సడలకుండా తీవ్రంగా శ్రమిస్తే విజయం తప్పక సొంతమవుతుంది. ధైర్యం, విశ్వాసంతో లక్ష్యంపైనే దృష్టి పెట్టి సక్సెస్ కోసం కష్టపడితే తక్కువ సమయంలో ఉన్నత స్థానాలకు ఎదగడం సాధ్యమే. శ్రమను నమ్ముకుని విశ్వాసంతో, ధైర్యంతో లక్ష్యసాధన దిశగా అడుగులు వేస్తే తక్కువ సమయంలో పెద్ద విజయాలు సొంతమవుతాయి.