వైరల్ : ఆయన తలపాగా రంగును బట్టే కారు సెలక్షన్...ఎందుకంటే...?
చాలా మంది అవమానం అంటే తట్టుకోలేరు. వారు అనుకున్నది సాధించేవరకూ చేసి తీరుతారు. ఇక్కడ కూడా ఓ వ్యక్తికి అవమానం జరిగింది. ఆ టైంలో పుట్టుకొచ్చిన ఛాలెంజే అతడ్ని విజయం సాధించేలా చేసింది. భారత సంతతికి చెందిన రూబెన్ సింగ్ పెద్ద వ్యాపారవేత్త. ఆయన లండన్ లో సెటిల్ అయ్యాడు. అయితే ఆయన తన తలపాగాను మాత్రం రోజూ ధరిస్తూనే ఉంటాడు. తన తలపాగా ఏ రంగులో అయితే ఉందో అదే కారును తీసుకెళ్లడం అలవాటు. ఇలా చేయడానికి ఓ కారణం ఉంది. అదేంటో ఇప్పుడు మనం తెలుసుకుందాం. లండన్ లోని ఓ వ్యక్తి రూబెన్ సింగ్ తలపాగాను చూసి వెక్కిరించాడు. ఆ టైంలో రూబెన్ సింగ్ కు కోపం కట్టలు తెంచుకుంది. వెంటనే వారిద్దరూ ఓ పందెం వేసుకున్నారు. ఏ తలపాగా వేసుకుంటే ఆ రంగు కారే వాడలని వారి ఛాలెంజ్. ఆ పందెంలో కనుక ఓడిపోతే వారు తమంతట తామే డబ్బును విరాళంగా ఇచ్చేయాల్సి ఉంటుంది.
దీంతో రూబెన్ సింగ్ వారంలోని ఏడు రోజుల్లో ధరించే తలపాగాలను ఏ రంగులో ఉంటే ఆ రంగు కార్లలో తిరగడం చేశాడు. రోల్స్ రాయిస్ కార్లలో ప్రతి రోజూ తన తలపాగా రంగు కారుతో ఫోటోలను తీసుకొని సోషల్ మీడియాలో షేర్ చేశాడు. ప్రస్తుతం అతను బ్రిటన్ బిల్ గేట్స్ గా పేరుగాంచాడు. రూబెన్ సింగ్ ప్రయాణించే కార్లు చాలా ఖరీదైనవి. ఇవి ఆయన వద్ద 15కు పైగా ఉన్నాయి. మనిషి తలుచుకుంటే ఏదైనా సాధించవచ్చని రూబెన్ సింగ్ తన ఛాలెంజ్ ద్వారా నిరూపించాడు. తన తలపాగా పవర్ ఏంటో నిరూపించాలనుకుని ఈ పని చేసి ఛాలెంజ్ లో గెలిచాడు. తాను ఈ ఛాలెంజ్ లో విజయం సాధించడంపై రూబెన్ సింగ్ సంతోషం వ్యక్తం చేశాడు. దీనికి సంబంధించి ఓ పోస్ట్ చేశాడు. ఇప్పుడు ఆ పోస్ట్ సోషల్ మీడియాలో వైరల్ అవుతోంది.