కెప్టెన్ గా.. ధోని రికార్డును బ్రేక్ చేసిన రోహిత్?
మరీ ముఖ్యంగా టి20 ఫార్మాట్లో ఇక రోహిత్ ను మించిన కెప్టెన్ మరొకరు లేరేమో అనేంతలా ఇక అతనికి కెప్టెన్సీ వ్యూహాలతో అందరిని ఫిదా చేసేస్తూ ఉన్నాడు అని చెప్పాలి. అయితే కెప్టెన్ గా మాత్రమే కాకుండా ఒక ఆటగాడిగా కూడా సూపర్ సక్సెస్ అవుతూ ప్రేక్షకుల హృదయాలలో ప్రత్యేకమైన స్థానాన్ని సంపాదించుకుంటున్నాడు హిట్ మాన్. అయితే 2022 t20 వరల్డ్ కప్ నాటి నుంచి పొట్టి ఫార్మాట్ కు దూరంగా ఉన్నారు రోహిత్. ఇక 14 నెలల గ్యాప్ తర్వాత ఇటీవల ఆఫ్ఘనిస్తాన్ తో జరిగిన టి20 సిరీస్ లో మళ్లీ పొట్టి ఫార్మాట్ లోకి వచ్చేసాడు. 2024 t20 వరల్డ్ కప్ ని దృష్టిలో పెట్టుకొని రోహిత్ ఇలా చేశాడు అన్నది తెలుస్తుంది.
ఇదిలా ఇక ఇటీవల ఆఫ్ఘనిస్తాన్ తో జరిగిన మూడు మ్యాచ్ల టి20 సిరీస్ లో రెండు మ్యాచ్లలో డక్ అవుట్ అయ్యి నిరాశపరిచిన రోహిత్ శర్మ.. మూడో మ్యాచ్లో సూపర్ సెంచరీ తో చలరేగిపోయాడు. అయితే ఇక మూడు మ్యాచ్ ల సిరీస్ ను 3-0 తేడాతో క్లీన్స్వీప్ చేసింది టీమిండియా. కాగా మూడో టి20 మ్యాచ్ లో టీమిండియా విజయం సాధించడంతో రోహిత్ అరుదైన ఘనత సాధించాడు అంతర్జాతీయ టి20 లలో భారత్ ను ఎక్కువసార్లు గెలిపించిన కెప్టెన్ గా నిలిచాడు. ఏకంగా 41 విజయాలతో ధోని పేరిట ఉన్న రికార్డ్ 42 విజయాలు సాధించి రోహిత్ బ్రేక్ చేశాడు. ఇక బ్యాటింగ్ లోను రోహిత్ శర్మ తన హైయెస్ట్ టీ20 స్కోర్ ను నమోదు చేశాడు. 69 బంతుల్లో 121 పరుగులు బాధి వీర విహారం చేశాడు. ఇందులో 11 ఫోర్లు ఎనిమిది సిక్సర్లు ఉన్నాయి అని చెప్పాలి.