శ్రావణమాసం ప్రాముఖ్యత తెలుసుకుని పునీతులు కండి...
హిందువులకు నిత్య పూజలు చేయటం ఎప్పటి నుండో ఆచారంగా వస్తోంది. ముఖ్యంగా మంగళ, గురు, శుక్రవారాలలో ప్రత్యేకించి ఎక్కువగా పూజలు చేస్తుంటారు. ఇక పండుగలు వస్తే మరీ ప్రత్యేకం. పచ్చటి తోరణాలు, రంగులతో నిండిన ముగ్గులు, కొత్త వస్త్రాలు, పిండి వంటలు ఇలా అంతా సందడిగా ఉంటుంది. కానీ ఈ పండుగలు ఒక రోజో లేదా రెండు రోజులు మాత్రమే. అదే తెలుగు మాసాలలో వచ్చే ఐదవ మాసం శ్రావణ మాసం వస్తే మాత్రం ప్రతి రోజు పండగే. మహిళలకు శ్రావణ మాసం ఎంతో ప్రత్యేకం. ముఖ్యంగా పెళ్ళయిన స్త్రీలకు శ్రావణ మాసం అత్యంత ప్రీతికరమైన, ముఖ్యమైన మాసం. పెళ్లిళ్ల ముహూర్తాలకు శ్రావణమాసం అత్యంత అనువైన మాసంగా మన శాస్త్రాలు చెబుతున్నాయి.