మీ శరీరంలోని ఈభాగంలో పుట్టుమచ్చలున్నాయా....అయితే ఇది తెలుసుకోండి...?
కుడి భుజం పైన, పొట్ట పైన,మెడ ముందు భాగంలో... హృదయ స్థానంలోను, మోచేతి పైన, కుడి అరచేతిపై, కుడి తొడపై, కుడి మోకాలుపై గల పుట్టుమచ్చలు వలన కాలం కలసి వచ్చినప్పుడు శ్రీమంతుల యోగం పట్టేలా చేసేవిగా చెప్పబడుతున్నాయి. మాడుకు ఎడమ వైపున పుట్టుమచ్చ ఉంటే గనక మంచి తెలివితేటలతో పాటు వాక్ చాతుర్యం ఉంటుంది. వీరు తమ గురించే కాక సమాజం గురించి మరింత ఉన్నతంగా ఆలోచిస్తారని... సమాజం యొక్క అభివృద్ధి కోసం పాటుపడతారని మచ్చ శాస్త్రం తెలుపుతోంది. తలపై మాడు భాగానికి కుడి వైపున పుట్టుమచ్చ ఉన్నట్టయితే రాజకీయాల్లో రాణించే అవకాశం ఉంటుంది. మంచి ఆలోచనాపరులైన వీరు తెలివిగా డబ్బు సంపాదించడమే కాకుండా ముందుచూపుతో ధైర్యంగా వ్యాపారాలు చేస్తుంటానని శాస్త్రం చెబుతోంది.
ఇక కుటుంబ విషయానికొస్తే ,అణకువగల భార్య.. వినయం కలిగిన సంతానంతో వీరి జీవితం ఆనందంతో నిండి పోతుంది అని తెలుపుతోంది. పుట్టుమచ్చ సరిగ్గా రెండు కనుబొమలకు మధ్య ఉన్నట్లయితే ఆ వ్యక్తి దీర్ఘాయుష్మంతుడవుతాడని శాస్త్రం చెబుతోంది. కుడి కంటి రెప్పపై పుట్టుమచ్చ ఉన్నట్లయితే వ్యక్తి సంపదలను కలిగి ఉంటాడు.మొత్తమ్మీద ముఖానికి కుడి వైపున పుట్టుమచ్చలు కలిగిన పురుషులు అదృష్టవంతులని నమ్మకం. ఇక స్త్రీల విషయానికి వస్తే తలపై పుట్టుమచ్చ అంత అనుకూలమైన ఫలితాలను ఇవ్వదనే చెప్పాలి. దూకుడుతనంతో... వీరి వ్యవహారశైలిని ఇతరులను బాధించే లా ఉంటుందని శాస్త్రం తెలుపుతోంది.