సెటైర్: పరదేశి.. అజ్ఞాతవాసి .. తెలంగాణ నివాసి ! ఈ మాజీ తమ్ముడికి ఎంత ఎటకారమో !! ??
బాబోరు ఆయనగారి గారాల పుత్రుడు లోకేశం బాబు అంటే మరీ క్యామిడీ అయిపోయింది. అయినదానికీ కానీ దానికి అందరూ తిట్టిపోసేవాళ్ళే. అబ్బబ్బా అందరితోనూ మాటలనిపించుకోవడం అలవాటయిపోయింది ఆయనకు, ఆయనగారి కొడిక్కి. సర్లే గాని ఆ మధ్య గన్నవరం లో తెలుగు తమ్ముడు వంశీ సైకిల్ దిగేసి వెళ్ళిపోయాడు గుర్తుంది కదా ? అప్పుడు ఎన్నేసి మాట్లాన్నాడో. బాబొరినే కాదు ఆయన వారసుడి ని కూడా తిట్టిపోసేసాడు. ఏంటయ్యా బాబు మరీ ఇంత చీప్ అయిపోయావ్ అని అప్పట్లో చాలామంది ఓదార్చర్లే. సరి సర్లే మేమేమి వద్దనుకోలేదు.. అయినా వెళ్ళిపోయాడు. ఇక ఏ ఇబ్బంది ఉండదులే అనుకుంటుంటే మళ్ళీ ఇలా తగులుకున్నాడు ఏంటయ్యా బాబు..?
ఏదో కరోనా భయం వేసి హైదరాబాద్ ప్యాలస్ లో సకుటుంబ సపరివార సమేతంగా రెస్ట్ తీసుకుంటూ ఉంటే ..? దానిక్కూడా ఆడిపోసుకోవాలా ? ఏమన్నాడు ఏమన్నాడు ..? " ఆంధ్రప్రదేశ్ రాష్ట్రానికి " పరదేశి " " అజ్ఞాతవాసి " తెలంగాణ రాష్ట్ర "నివాసి " మాన్యశ్రీ నారా చంద్రబాబు నాయుడు గారికి అమరావతి పర్యటన సందర్భంగా స్వాగతం సుస్వాగతం '' అంటూ అంత ఎటకారం ఆడుతాడా ఆ గన్నవరం మాజీ తమ్ముడు...? మరీ అంత అలుసయిపోయాడా మా బాబోరు ?