తిరుపతిలో పెను విషాదం.. తొక్కిసలాటకు అసలు కారణం ఇదేనట?
తిరుమల తిరుపతిలో నెలకొన్న విషాదఛాయలు రాష్ట్రమంతటా అలముకున్నాయి. వైకుంఠ ఏకాదశి నాడు శ్రీవారి దర్శనం కోసం జారీ చేసే టోకెన్లు పొందేందుకు భక్తులు పెద్ద సంఖ్యలో తరలి రావడంతో ఈ సంఘటన జరిగినట్టు సమాచారం. ఈ క్రమంలో సుమారు 6 మంది ప్రాణాలు కోల్పోగా.. మరి కొంత మంది ఆస్పత్రుల్లో చికిత్స పొందుతున్నట్టు విశ్వసనీయ వర్గాల సమాచారం. వైకుంఠ ఏకాదశి కోసం ప్రతీ ఏటా ఏర్పాటు చేసిన మాదిరిగానే తిరుపతిలో ప్రత్యేక కౌంటర్లు ఏర్పాటు చేయడం జరిగింది. ఎప్పటిలాగే టోకెన్ల జారీ సమయానికి ముందే పెద్ద సంఖ్యలో కౌంటర్ల వద్దకు భక్తులు గుమిగూడారు. ఈ నేపథ్యంలో తొమ్మిది ప్రాంతాల్లో ఏకంగా 90 టోకెన్‌ జారీ కౌంటర్లను ఏర్పాటు చేయగా పలుచోట్ల తొక్కిసలాట జరిగింది. అందులో... బైరాగిపట్టెడ కేంద్రం వద్ద పరిస్థితి చేయి దాటిపోవడంతో రద్దీలో ఇరుక్కుపోయిన భక్తులు ఊపిరాడక మరణించినట్టు తెలుస్తోంది.
ఇక ప్రస్తుతం అందుతున్న సమాచారం మేరకు.. ఆ సమయంలో ఒక భక్తుడికి బ్రీతింగ్ ప్రాబ్లమ్ ఉందని చెప్పడంతో ఒక్కసారిగా అక్కడి సిబ్బంది గేట్లు ఓపెన్ చేయడం జరిగింది. వెంటనే మిగిలిన భక్తులు కూడా గేటు మీద పడటంతో తొక్కిసలాట జరిగిందని అధికారులు తెలిపారు. అయితే, అక్కడ డీఎస్పీ సరైన రీతిలో స్పందించని కారణంతో పాటుగా భక్తులతో విధుల్లో ఉన్న టీటీడీ, పోలీసు సిబ్బంది సరిగ్గా వ్యవహరించలేదనే అనుమానాలు సర్వత్రా వినిపిస్తున్నాయి. మరోవైపు ఘటన జరిగిన వెంటనే అందుబాటులో ఉన్న అంబులెన్సుల నిర్వాహకుల పైన కూడా ఫిర్యాదులు ఉన్నాయి. గాయపడిన వారిని సకాలంలో ఆస్పత్రికి తీసుకురాక పోవటంతో ప్రాణాపాయం ఏర్పడిందని చెబుతున్నారు.
అలా కాకుండా ఘటన జరిగిన సమయంలో టీటీడీ, పోలీసు అధికారుల మధ్య సమన్వయం లోపం ఏర్పడిందని కూడా స్థానికులు వివరిస్తున్నారు. ఈ క్రమంలో ఇది అధికారుల వైఫల్యంగా టీటీడీ ఛైర్మన్ చెబుతూ ఓ పోస్ట్ పెట్టడం ఇపుడు చర్చనీయాంశం అవుతోంది. కాగా, గతంలోనూ తొక్కిసలాట ఘటనలు ఉన్నాయి. కానీ, ప్రాణ నష్టం అనేది జరగలేదు. గత అనుభవాలను పరిగణలోకి తీసుకొని ముందస్తు జాగ్రత్తలు తీసుకోవటంలో యంత్రాంగం విఫలమైందనే ఆరోపణలు ఉన్నాయి.
ఇక ప్రస్తుతం అందుతున్న సమాచారం మేరకు.. ఆ సమయంలో ఒక భక్తుడికి బ్రీతింగ్ ప్రాబ్లమ్ ఉందని చెప్పడంతో ఒక్కసారిగా అక్కడి సిబ్బంది గేట్లు ఓపెన్ చేయడం జరిగింది. వెంటనే మిగిలిన భక్తులు కూడా గేటు మీద పడటంతో తొక్కిసలాట జరిగిందని అధికారులు తెలిపారు. అయితే, అక్కడ డీఎస్పీ సరైన రీతిలో స్పందించని కారణంతో పాటుగా భక్తులతో విధుల్లో ఉన్న టీటీడీ, పోలీసు సిబ్బంది సరిగ్గా వ్యవహరించలేదనే అనుమానాలు సర్వత్రా వినిపిస్తున్నాయి. మరోవైపు ఘటన జరిగిన వెంటనే అందుబాటులో ఉన్న అంబులెన్సుల నిర్వాహకుల పైన కూడా ఫిర్యాదులు ఉన్నాయి. గాయపడిన వారిని సకాలంలో ఆస్పత్రికి తీసుకురాక పోవటంతో ప్రాణాపాయం ఏర్పడిందని చెబుతున్నారు.
అలా కాకుండా ఘటన జరిగిన సమయంలో టీటీడీ, పోలీసు అధికారుల మధ్య సమన్వయం లోపం ఏర్పడిందని కూడా స్థానికులు వివరిస్తున్నారు. ఈ క్రమంలో ఇది అధికారుల వైఫల్యంగా టీటీడీ ఛైర్మన్ చెబుతూ ఓ పోస్ట్ పెట్టడం ఇపుడు చర్చనీయాంశం అవుతోంది. కాగా, గతంలోనూ తొక్కిసలాట ఘటనలు ఉన్నాయి. కానీ, ప్రాణ నష్టం అనేది జరగలేదు. గత అనుభవాలను పరిగణలోకి తీసుకొని ముందస్తు జాగ్రత్తలు తీసుకోవటంలో యంత్రాంగం విఫలమైందనే ఆరోపణలు ఉన్నాయి.