ఎన్నికల్లో డిపాజిట్ గల్లంతు అంటే.. ఏంటో తెలుసా?
ఇలా ఎక్కడికక్కడ ప్రచారహోరూ కనిపిస్తూ ఉండగా ఆయా పార్టీలు అభ్యర్థులు తమను గెలిపిస్తే ఏం చేస్తాము అనే విషయంపై ఇక ఎన్నో హామీలు కూడా కురిపిస్తున్నారు. ఇలాంటి సమయంలో ఇక ఎన్నికలకు సంబంధించి ఎన్నో ఆసక్తికర విషయాలు కూడా సోషల్ మీడియాలో వైరల్ గా మారిపోతూ అందరి దృష్టిని ఆకర్షిస్తూ ఉంటాయి. అయితే ఎన్నికలు జరిగిన ప్రతిసారి కూడా డిపాజిట్ గల్లంతు అనే పదం ఎక్కువగా వినిపిస్తూ ఉంటుంది. ఏకంగా పార్టీల మధ్య విమర్శలు ప్రతి విమర్శలు జరుగుతున్న సమయంలో ఏకంగా డిపాజిట్ గల్లంతు అవుతుంది అంటూ ప్రత్యర్థి పార్టీలను నాయకులు హెచ్చరించడం చేస్తూ ఉంటారు.
ఇక విమర్శలలో భాగంగానే ఇలా అంటారని కొంతమంది అనుకుంటారు. డిపాజిట్ గల్లంతు అంటే ఏంటి అన్న విషయం చాలామందికి తెలియకపోవచ్చు. ఇంతకీ ఈ డిపాజిట్ గల్లంతు అంటే ఏంటంటే.. ఎన్నికల్లో పోటీ చేసే అభ్యర్థులు నామినేషన్ సమయంలో నిర్దేశిత రుసుమును ఎన్నికల రిటర్నింగ్ అధికారి వద్ద డిపాజిట్ చేయాల్సి ఉంటుంది. ఆ మొత్తం తిరిగి పొందాలి అంటే డిపాజిట్ రావాలి. అంటే మొత్తం ఓట్లలో ఆరో వంతు అంటే కనీసం 16% ఓట్లు.. ఇలా నామినేషన్ వేసిన అభ్యర్థికి రావాల్సి ఉంటుంది. అంతకంటే తక్కువ వస్తే నామినేషన్ వేసిన సమయంలో డిపాజిట్ చేసిన మొత్తం వెనక్కి ఇవ్వరు. ఇక దీనినే డిపాజిట్ గల్లంతు అని అంటూ ఉంటారు.