ఏపీ: అక్కడ కేఈ వర్గం కోట్లకు సపోర్ట్ చేసేనా?
అవును, విషయం ఏమిటంటే... కోట్ల, కేఈ కుటుంబాలు అక్కడ కొన్ని దశాబ్దాలుగా బద్ధ శత్రువులు. రాజకీయ వైరంతో పాటు వ్యక్తి గత కక్షలు కూడా ఆ కుటుంబాల మధ్య ఉన్నాయి. గత ఎన్నికలకు ముందు చంద్రబాబు కోట్ల, కేఈ కుటుంబాలను ఒకటి చేసిన సంగతి విదితమే. ఒకే వేదికపై చేతులు చేతులు కలిపి తాను గ్రూపు రాజకీయాలకు చెక్ పెడుతున్నానని చంద్రబాబు చెప్పుకొచ్చారు కూడా. కానీ వారిద్దరూ చంద్రబాబు కోసం అయితే కలిశారు కానీ.. క్షేత్ర స్థాయిలో మాత్రం వారి కదలికలు.. కలిసినట్లు కనపడటం లేదన్నది నగ్న సత్యం. కోట్ల కుటుంబంలో కోట్ల సూర్యప్రకాశ్ రెడ్డికి డోన్ నియోజవకర్గం టిక్కెట్ ఇవ్వగా, కేఈ కుటుంబంలో పత్తికొండ నియోజకవర్గం టిక్కెట్ ను శ్యాంబాబుకు చంద్రబాబు ఇచ్చారు.
కాగా ఇప్పుడు డోన్ నియోజకవర్గంలో కోట్ల సూర్య ప్రకాశ్ రెడ్డికి ఆయన సోదరులే ఆయన వెంట నడవడటంలేదు. ఈ క్రమంలో ఇక్కడ వారికి కేఈ వర్గం ఏ మేరకు మద్దతిస్తుందన్నది మాత్రం ప్రశ్నార్థకంగానే ఉంది. గత రెండు ఎన్నికల్లో కోట్ల కుటుంబం కేఈ కుటుంబానికి మద్దతు తెలపలేదన్న కోపం వారిలో స్పష్టంగా కనబడుతోంది. ఇప్పుడు కోట్ల కుటుంబం వంతు వచ్చింది. ఇక్కడ వైసీపీ నుంచి మంత్రి బుగ్గన రాజేంద్ర నాధ్ రెడ్డి బరిలో ఉన్నారు. ఆయన తొందరగా జనంలో కలసిపోడన్న పేరున్నా.. ఆయన చాలా రోజుల తర్వాత శాసనసభకు పోటీ చేస్తున్నారు. దీంతో ఆయన గెలిస్తే చంద్రబాబు మంత్రివర్గంలో స్థానం దక్కుతుందని కేఈ వర్గం సపోర్టుచేయదనే వారు కూడా ఉన్నారు. మరి ఈ విషయం ఎటునుండి ఎటు వెళ్తుందో చూడాలి మరి!