ఏపీ : హతవిధీ! జీరోను హీరో చేసిన బాబు..?
అనంతపురం జిల్లా శింగనమల నియోజకవర్గంలో వైసీపీ నుంచి వీరాంజనేయులు పోటీ చేస్తున్నారు. టిప్పర్ లారీ డ్రైవర్ గా పని చేసిన వీరాంజనేయులుకు టికెట్ ఇచ్చిన వైసీపీ మా పార్టీలో సామాన్యులకు సైతం ప్రాధాన్యత ఉంటుందని చెప్పకనే చెప్పేసింది. అయితే చంద్రబాబు టిప్పర్ లారీ డ్రైవర్ వీరాంజనేయులు పేరును ప్రస్తావిస్తూ ఒకింత నెగిటివ్ గా చేసిన కామెంట్లు వీరాంజనేయులుకు ఎంతో ప్లస్ అయ్యాయి.
వాస్తవానికి శింగనమల డివిజన్ లో వీరాంజనేయులుకు అనుకూలంగా పరిస్థితులు లేవు. నియోజకవర్గంలోని కొన్ని మండలాలకు చెందిన కార్యకర్తలు ఆయనకు సపోర్ట్ ఇవ్వబోమని తేల్చి చెప్పారు. ఇలాంటి సమయంలో చంద్రబాబు వీరాంజనేయులు గురించి నెగిటివ్ కామెంట్లు చేయడంతో టిప్పర్ డ్రైవర్ ఎమ్మెల్యేగా గెలిచి అసెంబ్లీలో కూర్చోకూడదా అనే ప్రశ్నలు వ్యక్తమవుతున్నాయి.
గతంలో వీరాంజనేయులును పార్టీలో వ్యతిరేకించిన వాళ్లు సైతం ఒక్కటై ఇప్పుడు ఆయన గెలుపు కోసం కృషి చేస్తున్నారు. చంద్రబాబు తనకు చెడు చేయాలని ప్రయత్నించినా
మంచే జరిగిందని వీరాంజనేయులు ఫీలవుతున్నారట. విమర్శలు చేసే విషయంలో చంద్రబాబు ఆచితూచి వ్యవహరించాలని సోషల్ మీడియా యుగంలో ఇష్టానుసారం కామెంట్లు చేస్తే ఫలితం అనుభవించక తప్పదని కామెంట్లు వ్యక్తమవుతున్నాయి. చంద్రబాబు వల్ల వీరాంజనేయులు ఎమ్మెల్యే కావడం ఖాయమని తెలుస్తోంది. శింగనమల రిజర్వ్డ్ స్థానం కావడంతో చంద్రబాబుకు మరింత నష్టం జరిగిందని సమాచారం అందుతోంది. భవిష్యత్తులో చంద్రబాబు మాట్లాడే మాటల విషయంలో మరిన్ని జాగ్రత్తలు తీసుకుంటే మంచిది.