వివేకా కుమార్తె పొలిటికల్ ఎంట్రీపై స్పందించిన షర్మిళ?
వై ఎస్ వివేకానంద రెడ్డి హత్య జరిగి ఐదు సంవత్సరాలు గడిచింది. అందులో భాగంగానే ఆయన కుమార్తె వైఎస్ సునీత రెడ్డి వారి కుటుంబంతో సన్నిహితంగా ఆత్మీయంగా ఉండే నేతలతో కడపలోని జయరామ గార్డెన్స్లో ఆత్మీయ సమావేశాన్ని ఏర్పాటు చేయడం జరిగింది. ఈ కార్యక్రమానికి సునీత అక్క సీఎం జగన్మోహన్ రెడ్డి చెల్లెలు, పీసీసీ చీఫ్ షర్మిల కూడా హాజరవ్వడం జరిగింది. అంతేకాక తెలుగుదేశం, బీజేపీ ఇంకా కాంగ్రెస్ నేతలు ఈ ఆత్మీయ సమావేశానికి వచ్చి సునీతకు సానుభూతి తెలియజేసి వివేకానంద రెడ్డికి నివాళులు అర్పించారు. వైఎస్ వివేకానంద రెడ్డి కుటుంబానికి అన్ని పార్టీల తరఫున అండదండలు ఉంటాయని వారు తెలిపారు.ముఖ్యంగా ఎవరైతే ఈ హత్య కేసులో నిందలు ఆరోపించబడ్డ ఆదినారాయణ రెడ్డి కూడా ఈ ఆత్మీయ సమావేశానికి వచ్చి సునీతకి అండగా ఉంటామని చెప్పడం సంచలనంగా మారింది. సునీత రెడ్డి రాజకీయ జీవితంపై ఆలోచించి కుటుంబం ఒక నిర్ణయం తీసుకోవాలని, దానికి పార్టీలకు అతీతంగా ఆమెకు తోడుగా ఉంటామని తెలిపారు.ఈ సందర్భంగా పీసీసీ చీఫ్ వైఎస్ షర్మిల చేసిన వ్యాఖ్యలు హాట్ టాపిక్గా మారాయి.కష్టాల్లో ఉన్నప్పుడు అండగా ఉండాల్సిన కుటుంబ సభ్యులే తనను నిందితురాలిగా చూశారని ఆవేదన వ్యక్తం చేశారు వైఎస్ షర్మిల.
ఎవరు అండగా ఉన్నా లేకపోయినా సునీతకు అండగా నేను ఉంటానని షర్మిళ భరోసా ఇచ్చారు. ఆస్తి కోసమో లేదా అధికారం కోసమో ఈ మాటలు చెప్పడం లేదని, సునీతను చిన్నప్పటి నుంచి చూశాను కాబట్టే తన బాధను అర్థం చేసుకున్నానన్నారు షర్మిళ. సునీతకు అన్ని విధాలుగా అండగా ఉంటానని తన కుటుంబానికి మాట ఇస్తున్నానని వై ఎస్ షర్మిల భావోద్వేగంతో మాట్లాడారు. వివేకానంద రెడ్డి గారు కోప్పడడమే ఇప్పటిదాకా నేను చూడలేదని, అలాంటిది ఆయనకి అంత క్రూరమైన చావు రావడం నిజంగా తట్టుకోలేకపోతున్నానని షర్మిల అన్నారు.ఇక తను రాజకీయాల్లోకి వస్తానా లేదా అనేది ముఖ్యం కాదని, కానీ ప్రజాక్షేత్రంలో న్యాయం జరుగుతుందని ఆశిస్తున్నా అని వైఎస్ సునీత అన్నారు. వచ్చే ఎన్నికలలో మాత్రం తన అన్న వైఎస్ జగన్కు మాత్రం ఓటు వేయొద్దని పిలుపునిచ్చారు. అందువల్ల నాకు జ్యూడిషరీలో న్యాయం జరుగుతుందని ఆశిస్తున్నానని సునీత అన్నారు. పోటీ చేస్తానా లేదా అనేదానిపై క్లారిటీ ఇవ్వలేకపోయారు సునీత రెడ్డి. అయితే సునీత పొలిటికల్ ఎంట్రీపై షర్మిల స్పందిస్తూ.. సునీత నాతోనే నా వెంటే ఉన్నారని త్వరలోనే క్లారిటీ ఇస్తానని స్పష్టం చేశారు.