കരിങ്കൊടി ബലൂണിൽ കെട്ടി പറത്തിവിട്ട് പ്രതിഷേധം; യൂത്ത് കോൺഗ്രസ് സംസ്ഥാന സെക്രട്ടറി അടക്കം കരുതൽ തടങ്കലിൽ!
കരിങ്കൊടി ബലൂണിൽ കെട്ടി പറത്തിവിട്ട് പ്രതിഷേധം; യൂത്ത് കോൺഗ്രസ് സംസ്ഥാന സെക്രട്ടറി അടക്കം കരുതൽ തടങ്കലിൽ! കറുത്ത ഹൈഡ്രജൻ ബലൂണുകളിൽ കരിങ്കൊടി കെട്ടി നവകേരള സദസ് നടക്കുന്ന പത്തനംതിട്ട ജില്ലാ സ്റ്റേഡിയത്തിന് മുകളിലൂടെ പറത്തിയായിരുന്നു പത്തനംതിട്ടയിലെ യൂത്ത് കോൺഗ്രസിന്റെ പ്രതിഷേധമുണ്ടായത്. നവകേരള സദസ്സിന് മുന്നോടിയായി ജില്ലയിലെ യൂത്ത് കോൺഗ്രസ് പ്രവർത്തകർ കരുതൽ തടങ്കലിൽ ആയതിന് പിന്നാലെയാണ് മറ്റൊരു സംഘം എത്തി കരിങ്കൊടി കാണിച്ചത്. മുഖ്യമന്ത്രിക്കെതിരായ കരിങ്കൊടി പ്രതിഷേധത്തിൽ തുടർച്ചയായി മർദ്ദനമുണ്ടായ പശ്ചാത്തലത്തിൽ വ്യത്യസ്ഥമായ പ്രതിഷേധവുമായി പത്തനംതിട്ട യൂത്ത് കോൺഗ്രസ്. പത്തനംതിട്ട ജില്ല സ്‌റ്റേഡിയത്തിൽ തയാറാക്കിയ വേദിയിലാണ് നവകേരള സദസ് നടന്നത്. തൊട്ടടുത്തു തന്നെയുള്ള മാക്കാംകുന്ന് സെന്റ് സ്റ്റീഫൻസ് കത്തീഡ്രൽ ഓഡിറ്റോറിയത്തിലായിരുന്നു വിശിഷ്ടാതിഥികളുമായി മുഖ്യമന്ത്രി കൂടിക്കാഴ്ച നടത്തിയത്.
സദസ്സ് നടന്ന പ്രദേശത്ത് നിന്നും ഒന്നരകിലോമീറ്റർ മാത്രം അകലെയാണ് കെഎസ്ആർടിസി സ്റ്റാൻഡുള്ളത്. റാന്നിയിലേക്ക് പോകുന്ന മുഖ്യമന്ത്രിക്ക് നേരെ ഇവിടെ പ്രതിഷേധമുണ്ടാകാനുള്ള സാധ്യത കണക്കിലെടുത്തായിരുന്നു കരുതൽ തടങ്കൽ ഉണ്ടായത്. ശബരിമല തീർഥാടകർക്കായി ബസ് സ്റ്റാൻഡിൽ യൂത്ത് കോൺഗ്രസിന്റെ ഹെൽപ്പ്‌ലൈൻ പ്രവർത്തിക്കുന്നുണ്ട്. ഇവിടെ എത്തിയാണ് പൊലീസ് യൂത്ത് കോൺഗ്രസ് പ്രവർത്തകരെ പിടികൂടി കരുതൽ തടങ്കലിലാക്കിയത്. ജില്ലാ ജനറൽ സെക്രട്ടറി അഡ്വ. ലിനു മാത്യു, കുമ്പഴ മണ്ഡലം പ്രസിഡന്റ് മുഹമ്മദ് റാഫി, അഖിൽ സന്തോഷ്, കാർത്തിക് , അസ്‌ലം കെ. അനുപ്, ഷെഫിൻ ഷാനവാസ്, അജ്മൽ അലി,റോബിൻ വല്യയന്തി, ഷാനി കണ്ണങ്കര എന്നിവരെയാണ് കസ്റ്റഡിയിൽ എടുത്തത്.
ഇതോടെ യൂത്ത് കോൺഗ്രസിന്റെ പുതിയൊരു സംഘം പത്തനംതിട്ട - റാന്നി റൂട്ടിൽ മൈലപ്രയിൽ കരിങ്കൊടിയുമായി എത്തുകയായിരുന്നു. യൂത്ത് കോൺഗ്രസ് ജില്ല പ്രസിഡന്റ് വിജയ് ഇന്ദുചൂഢൻ, സംസ്ഥാന സെക്രട്ടറി അബു ഏബ്രഹാം വീര പള്ളിൽ, നേതാക്കളായ ഷംന കോന്നി, ജിനു കളിക്കൽ, ക്രിസ്റ്റോ വർഗീസ്, ഷിജോ അഞ്ചക്കാല എന്നിവരെ ഡി വൈ എസ് പി നന്ദകുമാറിന്റെ നേതൃത്വത്തിൽ അറസ്റ്റ് ചെയ്തത്. മുഖ്യമന്ത്രി പിണറായി വിജയനും മന്ത്രിമാരും പങ്കെടുക്കുന്ന നവകേരള സദസ് ജില്ലാ ആസ്ഥാനത്ത് എത്തുന്നതിന് മുന്നോടിയായി ജില്ലയിലെ യൂത്ത് കോൺഗ്രസ് പ്രവർത്തകരെ കരുതൽ തടങ്കലിലാക്കിയിരുന്നു.
കെഎസ്ആർടിസി ബസ് സ്റ്റാൻഡിൽ ശബരിമല ഇടത്താവളമൊരുക്കി തീർഥാടകർക്ക് ഭക്ഷണവും സഹായങ്ങളും നൽകി കൊണ്ടിരുന്ന സംസ്ഥാന സെക്രട്ടറി നഹാസ് പത്തനംതിട്ട അടക്കമുള്ള പ്രവർത്തകരെയാണ് പൊലീസ് നേരത്തെ അറസ്റ്റ് ചെയ്തത്. തൊട്ടടുത്തു തന്നെയുള്ള മാക്കാംകുന്ന് സെന്റ് സ്റ്റീഫൻസ് കത്തീഡ്രൽ ഓഡിറ്റോറിയത്തിലായിരുന്നു വിശിഷ്ടാതിഥികളുമായി മുഖ്യമന്ത്രി കൂടിക്കാഴ്ച നടത്തിയത്. സദസ്സ് നടന്ന പ്രദേശത്ത് നിന്നും ഒന്നരകിലോമീറ്റർ മാത്രം അകലെയാണ് കെഎസ്ആർടിസി സ്റ്റാൻഡുള്ളത്. റാന്നിയിലേക്ക് പോകുന്ന മുഖ്യമന്ത്രിക്ക് നേരെ ഇവിടെ പ്രതിഷേധമുണ്ടാകാനുള്ള സാധ്യത കണക്കിലെടുത്തായിരുന്നു കരുതൽ തടങ്കൽ ഉണ്ടായത്. ശബരിമല തീർഥാടകർക്കായി ബസ് സ്റ്റാൻഡിൽ യൂത്ത് കോൺഗ്രസിന്റെ ഹെൽപ്പ്‌ലൈൻ പ്രവർത്തിക്കുന്നുണ്ട്. ഇവിടെ എത്തിയാണ് പൊലീസ് യൂത്ത് കോൺഗ്രസ് പ്രവർത്തകരെ പിടികൂടി കരുതൽ തടങ്കലിലാക്കിയത്.