വിനോദ ചെലവുകളിൽ 36 ഇരട്ടി വർധന ആവശ്യപ്പെട്ട് ഗവർണർ!
വിനോദ ചെലവുകളിൽ 36 ഇരട്ടി വർധന ആവശ്യപ്പെട്ട് ഗവർണർ! ആറ്‌ ഇനങ്ങളിലാണ് കൂടുതൽ തുക തനിക്കാവശ്യമാണെന്ന് ഗവർണർ സർക്കാരിനെ അറിയിച്ചിരിക്കുന്നത്. ഈ ആവശ്യങ്ങൾ പരിഗണിച്ചാൽ 36 ഇരട്ടി വരെ വർധന ഈ ഇനങ്ങളിലെ ചെലവുകൾക്കുണ്ടാകും. കേന്ദ്രം നിശ്ചയിച്ചിട്ടുള്ള മാനദണ്ഡങ്ങൾ കവിഞ്ഞ് ചെലവ് വർധിക്കുമെന്നാണ് വിവരം. 32 ലക്ഷം വരെ പരമാവധി പോകാവുന്ന ചെലവുകൾക്കാണ് രണ്ടരക്കോടിയോളം രൂപ ചെലവ് വരുന്ന ആവശ്യങ്ങൾ ഗവർണർ മുമ്പോട്ടു വെച്ചിരിക്കുന്നത്. അതിഥി സൽക്കാര ചെലവുകളിലും മറ്റ് ചെലവുകളിലും വലിയതോതിലുള്ള വർധന ആവശ്യപ്പെട്ട് ഗവർണർ ആരിഫ് മുഹമ്മദ് ഖാൻ. കഴഞ്ഞ പത്തുവർഷത്തെ ആറിനങ്ങളിലെ ആകെ ചെലവ് മൂന്നു കോടി രൂപയ്‌ക്കടുത്താണ്‌. ഇത്‌ പരിഗണിച്ചാണ്‌ ബജറ്റിൽ വാർഷിക ചെലവായി 30 ലക്ഷം രൂപ വകയിരുത്തുന്നത്‌. ഇതിൽക്കൂടുതൽ വരുന്ന തുക അധിക വകയിരുത്തലായോ, പുനക്രമീകരണം വഴിയോ ലഭ്യമാക്കുകയാണ്‌ പതിവെന്നാണ്‌ സർക്കാർ വൃത്തങ്ങൾ പറയുന്നത്‌.
എങ്കിലും ഇത്രയും ആറിരട്ടിയോളം വരുന്ന വലിയ വർധന സർക്കാർ പ്രതീക്ഷിച്ചിരുന്നില്ല.കേന്ദ്ര ആഭ്യന്തര മന്ത്രാലയം പുറത്തിറക്കിയിട്ടുള്ള ഗവർണേഴ്‌സ്‌ അലവൻസസ്‌ ആൻഡ്‌ പ്രിവിലേജ്‌ റൂൾസ്‌ 1987 അനുസരിച്ചാണ്‌ ഗവർണറുടെ ആനുകൂല്യങ്ങൾ നിശ്ചയിച്ചിരിക്കുന്നത്‌. ഈ ചട്ടങ്ങൾ പ്രകാരം മേൽപ്പറഞ്ഞ ആറിനങ്ങളിൽ നൽകേണ്ട തുകയുടെ പരിധി 32 ലക്ഷം രുപയാണ്‌. എന്നാൽ, വർഷം 2.60 കോടി രൂപ നൽകണമെന്നാണ്‌ രാജ്‌ഭവനിൽനിന്ന്‌ സർക്കാരിനോട്‌ ആവശ്യപ്പെട്ടിരിക്കുന്നത്‌. ഗവർണറുടെ ആവശ്യങ്ങൾ സർക്കാർ പരിഗണിക്കുന്നതായാണ്‌ വിവരം. അതിഥികൾക്കായുള്ള ചെലവുകൾ (hospitality expenses) ഇരുപത്‌ ഇരട്ടി വർധിപ്പിക്കുക, വിനോദ ചെലവുകൾ (entertainment expenses) 36 ഇരട്ടിയാക്കുക, ടൂർ ചെലവുകൾ ആറര ഇരട്ടി വർധിപ്പിക്കുക, കോൺട്രാക്ട്‌ അലവൻസ്‌ ഏഴ്‌ ഇരട്ടി ഉയർത്തുക,
ഓഫീസ്‌ ചെലവുകൾ ആറേകാൽ ഇരട്ടി വർധിപ്പിക്കുക, ഓഫീസ്‌ ഫർണിച്ചറുകളുടെ നവീകരണ ചെലവ് രണ്ടര ഇരട്ടി ഉയർത്തുക എന്നീ ആവശ്യങ്ങളാണ്‌ സംസ്ഥാന സർക്കാരിന്‌ മുന്നിൽ വച്ചിട്ടുള്ളത്‌. ആറ്‌ ഇനങ്ങളിലാണ് കൂടുതൽ തുക തനിക്കാവശ്യമാണെന്ന് ഗവർണർ സർക്കാരിനെ അറിയിച്ചിരിക്കുന്നത്. ഈ ആവശ്യങ്ങൾ പരിഗണിച്ചാൽ 36 ഇരട്ടി വരെ വർധന ഈ ഇനങ്ങളിലെ ചെലവുകൾക്കുണ്ടാകും. കേന്ദ്രം നിശ്ചയിച്ചിട്ടുള്ള മാനദണ്ഡങ്ങൾ കവിഞ്ഞ് ചെലവ് വർധിക്കുമെന്നാണ് വിവരം. 32 ലക്ഷം വരെ പരമാവധി പോകാവുന്ന ചെലവുകൾക്കാണ് രണ്ടരക്കോടിയോളം രൂപ ചെലവ് വരുന്ന ആവശ്യങ്ങൾ ഗവർണർ മുമ്പോട്ടു വെച്ചിരിക്കുന്നത്.