സിദ്ധരാമയ്യ ആഡംബര പ്രേമിയോ: ഗാരേജിൽ അത്യാഡംബര കാറുകൾ!
സിദ്ധരാമയ്യ ആഡംബര പ്രേമിയോ: ഗാരേജിൽ അത്യാഡംബര കാറുകൾ! കാർണിവൽ പ്ലസ് 33 ലക്ഷം രൂപ വിലവരുന്ന ഒരു പ്രീമിയം കാറാണെങ്കിലും മാധ്യമ റിപ്പോർട്ടുകളിൽ അത് ആഡംബരക്കാർ എന്നാണ് വിശേഷിപ്പിക്കപ്പെട്ടത്. സാമ്പത്തിക പ്രതിസന്ധിക്കിടയിൽ ആഡംബരക്കാറുകൾ വാങ്ങിക്കൂട്ടുന്ന മുഖ്യൻ എന്ന പഴി പിണറായി വിജയൻ ഏറെ കേട്ടു. കോൺഗ്രസ് നേതാക്കളും, സോഷ്യൽ മീഡിയ പോരാളികളും കേരള സർക്കാരിന്റെ ധൂർത്തിനെതിരെ സജീവമായി രംഗത്തു വന്നു. അന്ന് നടത്തിയ പ്രചാരണങ്ങൾ കോൺഗ്രസ്സിന് ഇന്ന് തിരിച്ചടിയായിരിക്കുകയാണ്. കർണാടകയിൽ മുഖ്യമന്ത്രിയായി സത്യപ്രതിജ്ഞ ചെയ്ത സിദ്ധരാമയ്യ വാങ്ങിയിരിക്കുന്നത് ഒരു ആഡംബര കാറാണ്. ശ്രദ്ധിക്കണം, പ്രീമിയം കാറല്ല, ആഡംബര കാർ തന്നെ. 2022ൽ കേരള മുഖ്യമന്ത്രി പിണറായി വിജയന് ഉപയോഗിക്കാൻ കിയയുടെ കാർണിവൽ പ്ലസ് എന്ന പ്രീമിയം കാർ സർക്കാർ വാങ്ങുകയുണ്ടായി. 2013ൽ മുഖ്യമന്ത്രിയായി ചുമതലയേറ്റതിനു പിന്നാലെ ഒരു ഓഡി ക്യൂ7 എസ്‌യുവിയാണ് സിദ്ധരാമയ്യ സ്വന്തമാക്കിയത്.
അന്ന് ക്യൂ7ന്റെ ഏറ്റവും ഉയർന്ന വേരിയന്റിന് 77,000 രൂപയോളം ഷോറൂം വിലയുണ്ട്. ഇന്നിത് ഒരു കോടിയുടെ പരിസരത്താണ് നിൽക്കുന്നത്. പൂർണമായും വിദേശത്തു നിർമ്മിച്ച് ഇറക്കുമതി ചെയ്യുകയായിരുന്നു ഈ കാർ. സിദ്ധരാമയ്യയുടെ പുതിയ ആഡംബക്കാറിനെക്കുറിച്ച് പറയുന്നതിനു മുമ്പ് അദ്ദേഹത്തിന് ആഡംബര വാഹനങ്ങളോടുള്ള വലിയ താൽപര്യത്തെക്കുറിച്ച് പറയേണ്ടതുണ്ട്. 2013ലാണ് സിദ്ധരാമയ്യ ആദ്യമായി മുഖ്യമന്ത്രിയായി അധികാരമേൽക്കുന്നത്. അന്ന് അദ്ദേഹം വാങ്ങിയ കാർ വലിയ ചർച്ചാവിഷയമായിരുന്നു. ഇതേ വർഷം തന്നെ മന്ത്രിമാർക്കു വേണ്ടി 30 ആഡംബരക്കാറുകളും പ്രീമിയം കാറുകളുമെല്ലാം വാങ്ങാനായി 5 കോടി രൂപയാണ് കർണാടക സർക്കാർ ചെലവിട്ടത്. തൊട്ടുമുമ്പത്തെ ബിജെപി സർക്കാർ വാങ്ങിയ ഔദ്യോഗിക കാറുകൾ കേടുപാടുകളൊന്നും കൂടാതെ ഇരിപ്പുണ്ടായിരുന്നിട്ടും സിദ്ധരാമയ്യയും കൂട്ടരും അവ ഉപയോഗിക്കാൻ തയ്യാറായില്ല.
രസകരമായ സംഗതി, ഔദ്യോഗിക വാഹനമെന്ന പേരിൽ വാങ്ങാറുള്ളത് പ്രീമിയം കാറുകളാണ്. 2013ൽ ഒരു ഫോർച്യൂണർ കാറാണ് സിദ്ധരാമയ്യയുടെ ഔദ്യോഗിക വാഹനമായിരുന്നത്. എന്നാൽ, അദ്ദേഹത്തിന്റെ യാത്രകൾ മുഴുവനും ഓഡിയിലായിരുന്നു. സിദ്ധരാമയ്യ ഇത്തവണയും ടൊയോട്ട ഫോർച്യൂണർ കാറാണ് ഔദ്യോഗിക ഉപയോഗത്തിന് വാങ്ങിയിരിക്കുന്നതെന്ന് ചില റിപ്പോർട്ടുകൾ പറയുന്നു. മുഖ്യമന്ത്രിയായിരുന്ന കാലയളവിൽ, 2016ലാണ് സിദ്ധരാമയ്യ ഒരു അത്യാഡംബര വാച്ച് സമ്മാനമായി സ്വീകരിച്ചത്. 70 ലക്ഷം രൂപ വിലയുള്ള ഈ വാച്ച് ഡയമണ്ട് പതിച്ചതായിരുന്നു. ആരാണ് തനിക്ക് ഈ സമ്മാനം തന്നതെന്ന് ഓർമ്മയില്ലെന്നായിരുന്നു സിദ്ധരാമയ്യയുടെ പ്രതികരണം. അന്ന് വളരെയധികം ട്രോളുകൾക്കും പരിഹാസങ്ങൾക്കും പാത്രമായി സിദ്ധരാമയ്യ. തനിക്ക് ഒരു ഡോക്ടർ സമ്മാനമായി തന്നതാണ് വാച്ചെന്ന് അദ്ദേഹം പിന്നീട് വ്യക്തമാക്കി.
ഈ എംപിവിക്ക് കൊച്ചിയിൽ ഓൺറോഡ് വില ഒന്നേകാൽ കോടിയോളം രൂപ വരും. ഷോറൂം വില ഒരു കോടിയുടെ അടുത്തുണ്ട്. 2494 സിസിയുടെ ഒരു പെട്രോൾ എൻജിനാണ് വെൽഫെയറിനുള്ളത്. 115.32 കുതിരശക്തിയാണ് എംപിവിയുടെ എൻജിൻ ശേഷി. ടൊയോട്ട വെൽഫെയർ നിലവിൽ ഇന്ത്യയിൽ വ്യാപകമായി ഇറക്കുമതി ചെയ്യപ്പെടുന്നുണ്ട്. ഏറ്റവുമൊടുവിൽ ബിജു മേനോൻ വെൽഫെയർ കാർ വാങ്ങിയത് റിപ്പോർട്ട് ചെയ്യപ്പെട്ടിരുന്നു. മോഹൻലാൽ, സുരേഷ് ഗോപി, ഫഹദ് ഫാസിൽ, വിജയ് ബാബു, നിവിൻ പോളി, കുഞ്ചാക്കോ ബോബൻ തുടങ്ങിയ താരങ്ങളുടെ പക്കൽ എംപിവിയുണ്ട്. ചിരഞ്ജീവിയും ഇതേ കാർ ഇക്കഴിഞ്ഞ ഏപ്രിൽ മാസത്തിൽ സ്വന്തമാക്കിയിരുന്നു.
അദ്ദേഹം 5 ലക്ഷം രൂപ ചെലവിട്ട് ഒരു ഫാൻസി നമ്പരും സ്വന്തമാക്കുകയുണ്ടായി. 2018ൽ പുറത്തുവന്ന കണക്കുകൾ പ്രകാരം സിദ്ധരാമയ്യ ഇന്ത്യയിലെ സമ്പന്നരായ മുഖ്യമന്ത്രിമാരുടെ പട്ടികയിൽ ആറാമനായിരുന്നു. അസോസിയേഷൻ ഫോർ ഡെമോക്രാറ്റിക് റിഫോംസ് എന്ന സംഘടനയാണ് ഈ റിപ്പോർട്ട് തയ്യാറാക്കിയത്. 13.6 കോടിയുടെ സമ്പത്ത് സിദ്ധരാമയ്യയ്ക്കുണ്ട് എന്നായിരുന്നു റിപ്പോർട്ട്. ഇന്ത്യയിലെ ഏറ്റവും സമ്പന്നനായ മുഖ്യമന്ത്രിയെന്ന് സംഘടന ചൂണ്ടിക്കാട്ടിയത് അന്നത്തെ ആന്ധ്ര മുഖ്യമന്ത്രി ചന്ദ്രബാബു നായിഡുവിനെയായിരുന്നു.