ബിജെപിക്ക് കനത്ത തിരിച്ചടിയുമായി ജഗദീഷ് ഷെട്ടാർ കോൺഗ്രസിൽ ചേർന്നു!

Divya John
ബിജെപിക്ക് കനത്ത തിരിച്ചടിയുമായി ജഗദീഷ് ഷെട്ടാർ കോൺഗ്രസിൽ ചേർന്നു! നിയമസഭാ തെരഞ്ഞെടുപ്പിൽ സീറ്റ് നിഷേധിച്ചതിനെ തുടർന്ന് ബിജെപി വിടുകയാണെന്ന് ഷെട്ടാർ കഴിഞ്ഞ ദിവസം വ്യക്തമാക്കിയിരുന്നു. ഇതിന് പിന്നാലെയാണ് കോൺഗ്രസിലേക്കുള്ള ചുവടുമാറ്റം. കോൺഗ്രസ് അധ്യക്ഷൻ മല്ലികാർജ്ജുൻ ഖാർഗെയുടെ സാന്നിധ്യത്തിൽ കെപിസിസി ആസ്ഥാനത്ത് നടന്ന ചടങ്ങിലാണ് ജഗദീഷ് ഷെട്ടാർ കോൺഗ്രസ് അംഗത്വം സ്വീകരിച്ചത്. നിയമസഭാ തെരഞ്ഞെടുപ്പ് അടുത്തിരിക്കെ കർണാടകയിൽ ബിജെപിക്ക് കനത്ത തിരിച്ചടി. കഴിഞ്ഞ ദിവസം പാർട്ടി വിട്ട മുതിർന്ന നേതാവ് ജഗദീഷ് ഷെട്ടാർ കോൺഗ്രസിൽ ചേർന്നു.  



  ഞാൻ പടുത്തുയർത്തിയ പാർട്ടിയിൽ നിന്നും എന്നെ ബലമായി പുറത്താക്കുകയായിരുന്നു, കോൺഗ്രസിന്റെ ആശയങ്ങളെയും തത്വങ്ങളെയും ഉൾക്കൊണ്ടുകൊണ്ട് തന്നെയാണ് പാർട്ടിയിൽ ചേരുന്നതെന്ന് കോൺഗ്രസ് പ്രവേശനത്തിന് ശേഷം ജഗദീഷ് ഷെട്ടാർ പ്രതികരിച്ചു. ഷെട്ടാറിന്റെ വരവ് കോൺഗ്രസിന് കൂടുതൽ ഊർജ്ജം പകരുമെന്ന് മല്ലികാർജ്ജുൻ ഖാർഗെ പ്രതികരിച്ചു. ഞായറാഴ്ച രാത്രി മുതിർന്ന കോൺഗ്രസ് നേതാക്കളുമായി ബെംഗളൂരുവിൽ വെച്ച് ജഗദീഷ് ഷെട്ടാർ കൂടിക്കാഴ്ച നടത്തിയിരുന്നു. കോൺഗ്രസ് ജനറൽ സെക്രട്ടറി രൺദീപ് സിംഗ് സർജ്ജേവാല, കോൺഗ്രസ് കർണാടക അധ്യക്ഷൻ ഡികെ ശിവകുമാർ, മുൻമുഖ്യമന്ത്രി സിദ്ധരാമയ്യ തുടങ്ങിയവർ കൂടിക്കാഴ്ചയിൽ പങ്കെടുത്തിരുന്നു. ഹുബ്ബള്ളി- ധാർവാഡ് മണ്ഡലത്തിൽ സീറ്റ് നൽകാത്തതിനെ തുടർന്നാണ് ഷെട്ടാറിന്റെ രാജി.



   ഇത്തവണ കോൺഗ്രസ് ടിക്കറ്റിൽ ഷെട്ടാർ ഇവിടെ നിന്ന് മത്സരിച്ചേക്കും. ലിംഗായത്ത് വിഭാഗത്തിലെ പ്രബലനായ നേതാവാണ് ജഗദീഷ് ഷെട്ടാർ. ബിജെപി ഈ മണ്ഡലത്തിൽ സ്ഥാനാർത്ഥിയെ പ്രഖ്യാപിച്ചിട്ടില്ല. മെയ് പത്താം തിയതിയാണ് കർണാടകയിൽ നിയമസഭാ തെരഞ്ഞെടുപ്പ് നടക്കുന്നത് 13-ാം തീയതി ഫലം അറിയാം.പാർട്ടിയിലെ മുതിർന്ന നേതാവായ തനിക്ക് ബിജെപി സീറ്റ് നിഷേധിച്ചത് ഞെട്ടലുണ്ടാക്കി, എന്തുകൊണ്ടാണ് സീറ്റ് നൽകാത്തതെന്ന് വിശദീകരിക്കാനോ തന്നെ ബോധ്യപ്പെടുത്താനോ ആരും തയ്യാറായില്ല, താൻ പിടിവാശികൾ ഉള്ള ആളല്ല, എന്നാൽ പാർട്ടി തന്നെ അപമാനിച്ചതാണ് വേദനയുണ്ടാക്കിയതെന്നും ജഗദീഷ് ഷെട്ടാർ പറഞ്ഞു.


കോൺഗ്രസിന്റെ ആശയങ്ങളെയും തത്വങ്ങളെയും ഉൾക്കൊണ്ടുകൊണ്ട് തന്നെയാണ് പാർട്ടിയിൽ ചേരുന്നതെന്ന് കോൺഗ്രസ് പ്രവേശനത്തിന് ശേഷം ജഗദീഷ് ഷെട്ടാർ പ്രതികരിച്ചു. ഷെട്ടാറിന്റെ വരവ് കോൺഗ്രസിന് കൂടുതൽ ഊർജ്ജം പകരുമെന്ന് മല്ലികാർജ്ജുൻ ഖാർഗെ പ്രതികരിച്ചു. ഞായറാഴ്ച രാത്രി മുതിർന്ന കോൺഗ്രസ് നേതാക്കളുമായി ബെംഗളൂരുവിൽ വെച്ച് ജഗദീഷ് ഷെട്ടാർ കൂടിക്കാഴ്ച നടത്തിയിരുന്നു.  

Find Out More:

Related Articles: