കേസിൽ നിന്നും പിന്നോട്ടില്ലെന്ന് സ്വപ്നയുടെ അഭിഭാഷകൻ!
കേസിൽ നിന്നും പിന്നോട്ടില്ലെന്ന് സ്വപ്നയുടെ അഭിഭാഷകൻ! കെഎസ്ആർടിസി ഡ്രൈവറെ വസ്ത്രത്തിന്റെ പേരിൽ മതപരമായി അധിക്ഷേപിച്ചതിനാണ് കൃഷ്ണരാജിനെതിരെ കേസെടുത്തത്. കൃഷ്ണരാജ് മതസ്പർദ്ധ വളർത്താൻ ശ്രമിച്ചെന്നാണ് പരാതി. കേസെടുത്ത് വിരട്ടാമെന്ന് മുഖ്യമന്ത്രി പിണറായി വിജയൻ കരുതണ്ടെന്ന് സ്വപ്നയുടെ അഭിഭാഷകൻ കൃഷ്ണരാജ്. കേസിൽ നിന്നും പിന്നോട്ടില്ലെന്ന് കൃഷ്ണരാജ് മാധ്യമങ്ങളോട് പറഞ്ഞു. അതേസമയം ഷാജ് കിരൺ പറഞ്ഞതുപോലെ സരിത്തിനെ അറസ്റ്റ് ചെയ്യുകയും അഭിഭാഷകനെതിരെ കേസെടുത്തതായും സ്വപ്ന സുരേഷ് ആരോപിച്ചു. കേസെടുക്കുമെന്ന് പറഞ്ഞിരുന്നുവെന്നും അതുപോലെ സംഭവിച്ചുവെന്നും സ്വപ്ന പറഞ്ഞു. എനിക്ക് അഭിഭാഷകന്റെ സഹായം പോലും കിട്ടാത്ത സ്ഥിതിയുണ്ടെന്നും സ്വപ്ന പറഞ്ഞു.
തൃശൂർ സ്വദേശിയും അഭിഭാഷകനുമായ വി ആർ അനൂപിന്റെ പരാതിയിൽ എറണാകുളം സെൻട്രൽ പോലീസാണ് കേസ് രജിസ്റ്റർ ചെയ്തിരിക്കുന്നത്. ഏതാനും ദിവസം മുമ്പ് താടിവെച്ച കെഎസ്ആർടിസി ഡ്രൈവർ മതപരമായ വസ്ത്രം ധരിച്ചെന്ന പേരിൽ സമൂഹമാധ്യമങ്ങളിൽ വ്യാജ പ്രചാരണം നടന്നിരുന്നു. ഈ ചിത്രം പങ്കുവെച്ച കൃഷ്ണരാജ് മതസ്പർദ്ധ വളർത്തുന്ന രീതിയിൽ കുറിപ്പെഴുതുകയായിരുന്നു. ഇതിനെതിരെയാണ് പരാതി. ഒരു ഫേസ്ബുക്ക് പോസ്റ്റിന്റെ പേരിലാണ് അഭിഭാഷകനെതിരെ കേസെടുത്തത്. മുഖ്യമന്ത്രിയെ അപമാനിച്ചതിന് എന്തുകൊണ്ടാണ് ഷാജ് കിരണിനെതിരെ കേസെടുക്കാത്തത്. ഒരു ഭീകരവാദിയെപ്പോലെ എന്തിനാണ് തന്നെ പിന്തുടർന്ന് ഉപദ്രവിക്കുന്നതെന്നും സ്വപ്ന ചോദിച്ചു. രഹസ്യ മൊഴിയിൽ ഉറച്ചു നിൽക്കുന്നതായും അവർ പറഞ്ഞു.
അതേസമയം സ്വപനയുടെ അഭിഭാഷകനെതിരെ മത സ്പർദ്ധ വളർത്തിയെന്നാരോപിച്ചു കേസ് വന്നിരുന്നു. കെഎസ്ആർടിസി ഡ്രൈവറെ വസ്ത്രത്തിന്റെ പേരിൽ മതപരമായി അധിക്ഷേപിച്ചെന്നാണ് കേസ്. തൃശൂർ സ്വദേശിയും അഭിഭാഷകനുമായ വി ആർ അനൂപിന്റെ പരാതിയിൽ എറണാകുളം സെൻട്രൽ പോലീസാണ് കേസ് രജിസ്റ്റർ ചെയ്തിരിക്കുന്നത്. ഏതാനും ദിവസം മുമ്പ് താടിവെച്ച കെഎസ്ആർടിസി ഡ്രൈവർ മതപരമായ വസ്ത്രം ധരിച്ചെന്ന പേരിൽ സമൂഹമാധ്യമങ്ങളിൽ വ്യാജ പ്രചാരണം നടന്നിരുന്നു. ഈ ചിത്രം പങ്കുവെച്ച കൃഷ്ണരാജ് മതസ്പർദ്ധ വളർത്തുന്ന രീതിയിൽ കുറിപ്പെഴുതുകയായിരുന്നു. ഇതിനെതിരെയാണ് പരാതി. ഐപിസി 295 പ്രകാരമാണ് പോലീസ് കേസ് രജിസ്റ്റർ ചെയ്തിരിക്കുന്നത്.
'കെഎസ്ആർടിസി ബസിൽ കേരള സർക്കാർ കൊണ്ടോട്ടിയിൽ നിന്നും കാബൂളിലേക്ക് സർവീസ് നടത്തുന്നു.' എന്നായിരുന്നു കൃഷ്ണരാജിന്റെ പരാമർശം. മാവേലിക്കര യൂണിറ്റിലെ ഡ്രൈവർ പി എച്ച് അഷ്റഫിന്റെ ഫോട്ടോയാണ് വിദ്വേഷ പ്രചരണത്തിനായി കൃഷ്ണരാജ് ഉപയോഗിച്ചത്. കെഎസ്ആർടിസി ഡ്രൈവറുടെ ആകാശനീല ഷർട്ടും കടുംനീല പാന്റുമാണ് അഷ്റഫ് ധരിച്ചിരുന്നത്. എന്നാൽ ഫോട്ടോ എഡിറ്റ് ചെയ്ത് ഷർട്ട് വെള്ള നിറം എന്ന് തോന്നിപ്പിക്കും വിധമാക്കിയ ശേഷമാണ് വ്യാജ പ്രചരണത്തിന് ഉപയോഗിച്ചത്. അനന്തപുരി ഹിന്ദുമഹാ സമ്മേളനത്തിൽ മുഹമ്മദ് നബിയെ അധിക്ഷേപിച്ചതിന് കൃഷ്ണരാജിനെതിരെ തിരുവനന്തപുരത്തും പരാതി നൽകിയിട്ടുണ്ട്. അനൂപാണ് പരാതിക്കാരൻ.