మూగజీవాల్ని చంపేస్తున్న ప్లాస్టిక్ భూతం ?
ప్లాస్టిక్ లేకుండా మానవుడి నిత్య జీవనం గడిచేదే కష్టమైపోయింది. సరుకులు కొన్నా, తినుబండారాలు తీసుకున్నా, వస్తువులు కొన్నా, పాలు, పండ్లు, పూలు ఇలా అన్ని ప్లాస్టిక్ కవరల్లోనే నింపేసి ఇచ్చేస్తున్నారు. చివరికి చాలా దేవాలయాల్లో ప్రసాదాలు ఇవ్వడానికి కూడా ప్లాస్టిక్ కవర్లనే వాడుతున్నారు. ఈ ప్లాస్టిక్ వలన మన ఆరోగ్యం నెమ్మది నెమ్మదిగా నాశనమవుతోంది. వాడిన తర్వాత ఈ ప్లాస్టిక్ ని మనుషులు రోడ్డుపై, జలాశయాల్లో గుట్టలు గుట్టలుగా విసిరి పారేస్తున్నారు. రోడ్లపై , చెత్త కుండీల వద్ద కనిపించిన ఆకులు అలములు, తిను పదార్ధాలను తినడానికి వచ్చిన జంతువులు వాటి నుండి ప్లాస్టిక్ ను వేరు చేయలేక ఆ ప్లాస్టిక్ తో పాటే తినేస్తున్నాయి.