ఏపీ బడ్జెట్: మహిళలు - చిన్నారుల సంక్షేమానికి పెద్ద పీట ..
ఏపీ అసెంబ్లీ ఒక్కరోజు బడ్జెట్ సమావేశాలు ప్రారంభం కాగా ఆర్ధిక మంత్రి బుగ్గన రాజేంద్రనాద్ 2021-22 వార్షిక బడ్జెట్ను సమర్పించారు. ఈ బడ్జెట్ లో మహిళలకు మరియు చిన్నారులకు ప్రత్యేక ప్రాముఖ్యతను కల్పిస్తూ నివేదికను ప్రవేశపెట్టారు. జగనన్న ప్రభుత్వం వచ్చినప్పటినుండి పేద ప్రజలకు, మహిళలకు ఎక్కువ లబ్ధి చేకూరేలా సంస్కరణలు చేసుకుంటూ వస్తున్న విషయం తెలిసిందే. అయితే ఇప్పుడు చిన్నారులకు కూడా పెద్ద పీట వేయడం విశేషం. తద్వారా మహిళలకు మరియు చిన్నారులకు ఇకనుండి విద్యా, వైద్య, ఉపాధి ఇలా అన్ని రంగాలలోనూ ప్రత్యేక వెసులుబాటు కలగనుంది. ఈ విధంగా ఏపీ అసెంబ్లీ బడ్జెట్ లో మహిళలకు మరియు చిన్నారులకు ప్రత్యేకించి కేటాయింపులు చేయడం అందరూ హర్షించదగ్గ విషయం.
పాఠశాలల్లో నాడు-నేడుకు రూ.3,500 కోట్లు
జగనన్న గోరుముద్ద కోసం రూ.1200 కోట్లు
జగనన్న విద్యాకానుకు కోసం రూ.750 కోట్లు
ఉన్నత విద్య కోసం రూ.1973 కోట్లు ....అయితే గత బడ్జెట్ లో విద్యకోసం రూ. 22,604.01 కోట్లు మాత్రమే కేటాయించి ఉన్నారు. దానితో పోలిస్తే ఈ సారి కాస్త ఎక్కువగానే కేటాయించారు. కాగా మహిళలు మరియు చిన్నారుల సంరక్షణకు కూడా అధిక బడ్జెట్ ను కేటాయించారు. చిన్నారుల కోసం బడ్జెట్లో రూ.16,748 కోట్లు. మహిళల అభివృద్ధికి రూ.47,283.21 కోట్లు కేటాయించారు. ఈ బడ్జెట్ తో మహిళలను అభివృద్ధి చేసే దిశగా వివిధ పధకాలను అమలు చేయనున్నారు.