నేనా... ప్రియాంకా వర్గమా ? రేవంత్ ఘాటు లేఖ ?
సోషల్ మీడియా వేదికగా తనపై జరుగుతున్న వ్యతిరేక ప్రచారంపై రేవంత్ రెడ్డి తీవ్ర ఆగ్రహం వ్యక్తం చేశారు. సొంత పార్టీలోనే తనపై కొంతమంది కుట్ర పన్నుతున్నారనే అనుమానాన్ని ఆయన వ్యక్తం చేశారు. కొద్ది రోజులుగా అదేపనిగా సోషల్ మీడియాలో తనకు సంబంధించి వ్యతిరేక కథనాలు వస్తున్నాయని ఆరోపించారు. తాజాగా కాంగ్రెస్ నాయకురాలు శ్రీమతి ప్రియాంక గాంధీ వర్గంలో తాను చేరినట్లు, ఆమె నాయకత్వాన్ని తాను ప్రమోట్ చేస్తున్నట్లుగా, సోషల్ మీడియాలో ట్రోల్ అవుతుండడం పై ఆగ్రహం వ్యక్తం చేశారు. ఆ కథనాలు పూర్తిగా నిరాధారమైనవని, ఆ ప్రచారాన్ని తాను ఖండిస్తున్నానని అన్నారు.
ఈ సందర్భంగా రేవంత్ తన రాజకీయ ప్రత్యర్ధులకు సంబంధించి ఓ సవాలు విసిరారు. నా ఎదుగుదలను గిట్టని వారికి, రాజకీయ ప్రత్యర్ధులకు తాను ఒకటే చెప్పదలచుకున్నా అని, నేరుగా మీరు చేసే దాడికి విమర్శలకు సమాధానం చెబుతాను. నా వ్యక్తిత్వాన్ని నా విశ్వసనీయతను దెబ్బతీసేందుకు దురుద్దేశపూర్వకంగా దొడ్డిదారిలో ఇటువంటి ప్రచారాలకు పూనుకుంటే పరిణామాలు తీవ్రంగా ఉంటాయని హెచ్చరించారు. దీనికి సంబంధించి ఓ లేఖను కూడా ఆయన విడుదల చేశారు.
ఈ సందర్భంగా రేవంత్ తన రాజకీయ ప్రత్యర్ధులకు సంబంధించి ఓ సవాలు విసిరారు. నా ఎదుగుదలను గిట్టని వారికి, రాజకీయ ప్రత్యర్ధులకు తాను ఒకటే చెప్పదలచుకున్నా అని, నేరుగా మీరు చేసే దాడికి విమర్శలకు సమాధానం చెబుతాను. నా వ్యక్తిత్వాన్ని నా విశ్వసనీయతను దెబ్బతీసేందుకు దురుద్దేశపూర్వకంగా దొడ్డిదారిలో ఇటువంటి ప్రచారాలకు పూనుకుంటే పరిణామాలు తీవ్రంగా ఉంటాయని హెచ్చరించారు. దీనికి సంబంధించి ఓ లేఖను కూడా ఆయన విడుదల చేశారు.