தீவிரவாதிகள் தாக்குதலில் 3 பேர் பலியான சோகம்... சோகம்...
ஜம்முகாஷ்மீர்:
ஜம்மு காஷ்மீரின் பாரமுல்லா மாவட்டத்தில் தீவிரவாதிகள் நடத்திய தாக்குதலில் ராணுவ வீரர்கள் இருவரும், ஒரு காவலரும் உயிரிழந்த சம்பவம் பெரும் சோகத்தை ஏற்படுத்தி உள்ளது.
ஜம்மு காஷ்மீரில் நடந்த இந்த தாக்குதில் பாரமுல்லா மாவட்டத்தின் க்வஜாபாக் பகுதி வழியாக ராணுவ வீரர்களின் வாகனம் சென்று கொண்டிருந்தபோது, பதுங்கியிருந்த தீவிரவாதிகள் ராணுவத்தினர் மீது தாக்குதல் நடத்தியுள்ளனர்.
இதில் 2 ராணுவ வீரர்களும், காவல்துறையைச் சேர்ந்த ஒருவரும் பலியாயினர். மேலும் 3 பேர் காயமடைந்தனர். காயமடைந்த அனைவரும் சிகிச்சைக்காக மருத்துவமனையில் அனுமதிக்கப்பட்டுள்ளனர். இந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது. இதையடுத்து தீவிரவாதிகளைப் பிடிப்பதற்காக கூடுதல் படை வரவழைக்கப்பட்டு தீவிர தேடுதல் வேட்டை நடத்தப்பட்டு வருகிறது என்று அங்கிருந்து வரும் தகவல்கள் தெரிவிக்கின்றன.