సొంతిల్లు కావాలా? 25 లక్షల ఉచిత సాయం.. ఎక్కడంటే?
ఇక మీరు ఈ సిటీలో సెటిల్ అయ్యి ఈ విధంగా 25 లక్షల రూపాయలు తీసుకోవాలనుకుంటే, మీరు నగరానికి సంబంధించిన వెబ్సైట్ను విజిట్ చేసి దరఖాస్తు ప్రక్రియను పూర్తి చేయాల్సి ఉంటుంది. తెలుస్తున్న సమాచారం ప్రకారం ఈ నగరంలో లెక్కకు మించి చాలా ఇళ్ళు ఖాళీగా ఉన్నాయట. ఈ సిటీ ఎడారిగా మారిందని నగరానికి చెందిన కౌన్సిలర్ ఆల్ఫ్రెడో పల్లిస్ తెలిపారు. ఇలాంటి దుర్భర పరిస్థితిలో ఈ నగర ఆర్థిక వ్యవస్థను మెరుగు పరచడానికి ఇక్కడి ఇళ్ళు కొనుగోలు చేయడానికి ఆసక్తిగా ఉన్న వారికి డబ్బు ఇవ్వాలని తాము ఒక ప్రణాళికను రూపొందించామని తెలిపారు. ఇక్కడ ఉన్న ఇళ్ల ఖరీదు 25 వేల యూరోలు. ఈ ఇళ్ళు దాదాపు 50 చదరపు మీటర్లలో నిర్మితమయ్యాయి. ఇటలీలో ఇలా ఖాళీగా ఉన్న నగరాలను ప్రజలతో నింపేందుకు ఇలాంటి బంపర్ ఆఫర్లు ఇస్తుంటారు. ఇంతకు ముందు కూడా ఇటలీలోని కాలాబ్రియా నగరంలో ప్రజలు సెటిల్ అయ్యేందుకు ప్రభుత్వం ఒక్కొక్కరికి రూ.24.76 లక్షలు ఇచ్చింది. ఇక్కడ సెటిల్ అయిన వారు కొత్త వ్యాపారాన్ని ప్రారంభించేందుకు ప్రభుత్వం ఆర్ధిక సహాయం కూడా చేస్తుంది.