మళ్లీ ఖాళీ అవుతున్న నగరం... హైదరాబాద్లో ఎక్కడ చూసినా టు లెట్ బోర్డులే..
గతంలో నగరంలో టూ లెట్ బోర్డ్ కనపించాలంటే... గల్లీ గల్లీ తిరగాల్సి వచ్చేది. కానీ.. ఇప్పుడు ఐదు, పది ఇళ్ల కో టూ లెట్ బోర్డ్ దర్శనమిస్తోంది. కరోనా కారణంగా చాలా మంది సొంతూళ్లకు వెళ్లిపోయారు. చాలామంది తిరిగి రావడానికి ఇష్టపడటం లేదు.. చిరు వ్యాపారులు, దినసరి కూలీలు, ప్రైవేట్ ఉద్యోగులు, విద్యార్ధులు అద్దె ఇల్లు ఖాళీ చేసి ఊళ్లకు వెళ్లిపోయారు. దీంతో ఏ గల్లీలో చూసినా... టూ లెట్ బోర్డులు దర్శనమిస్తున్నాయి. పరిస్థితులను తలకిందులు చేసింది కరోనా రక్కసి. ఇప్పుడు మళ్లీ సెకండ్ వేవ్ మొదలుకావడంతో బతుకు జీవుడా అంటూ సొంత ఊళ్లకు వెళ్లిపోతున్నారు కిరాయిదారులు.
కరోనా పుణ్యామని ఇప్పుడు గ్రేటర్ హైదరాబాద్ నగరంలో అద్దెల ధరలు దిగొచ్చాయి. ఎక్కడా చూసినా అన్ని చోట్ల టూ-లెట్ బోర్డులే దర్శనమిస్తున్నాయి. కరోనా దెబ్బకు సిటీలో ఉపాధి కోసం వచ్చినవారంతా తిరిగి ఇంటిబాట పట్టేశారు. దాంతో అద్దెకు గదులన్నీ ఖాళీ అయిపోయాయి. ఇప్పుడు కరోనా భయంతో ఉన్నచోట నుంచి అద్దె ఇళ్లు మారాలన్నా వణికిపోతున్నారు. అమ్మో… ఉన్నచోటే నయం.. కొన్నాళ్ల వరకు ఇళ్లు మారే ప్రయత్నం చేయకపోవడమే మంచిదని అంటున్నారు.