అమెరికాలో ప్రపంచస్థాయి యూనివర్సిటీ....

VAMSI
అమెరికాలో ఒక అద్భుతమైన యూనివర్సిటీని నిర్మించే కార్యక్రమానికి సిలికాన్ విశ్వవిద్యాలయం శ్రీకారం చుట్టింది. ఇది ప్రపంచం లోనే గొప్ప విశ్వవిద్యాలయాలలో ఒకటిగా చెప్పబడుతూ ఉంది. వాషింగ్టన్ ప్రాంతంలోని ట్రేసీ పట్టణానికి దగ్గరగా దీనిని నెలకొల్పడానికి ప్రణాళికలు సిద్దంగా ఉన్నట్లు తెలుస్తోంది. ఈ యూనివర్సిటీని నిర్మించడానికి అవసరమయిన 67 ఎకరాల స్థలాన్ని ఉచితంగా ఇవ్వడానికి మైక్ సంధు మరియు మణి సంధులు ఇవ్వటం జరిగింది. అయితే ఈ స్థలం సిలికాన్ వ్యాలీలో దగ్గరలో ఉండే హైవే పక్కన ఉండడం కారణంగా ఈ భూమి ఎంతో విలువైనది. అయినా అమెరికా లోని స్థానికంగా ఉన్న అణగారిన ప్రజలకు మంచి జరగాలని ఒక ఉద్దేశ్యంతో ఉచితంగా ఇవ్వడంతో వారి గొప్ప మనసు తెలుస్తోంది.
ఈ విషయం పట్ల పలువురు ఆనందాన్ని వ్యక్త పరుస్తున్నారు. సిలికానాంధ్ర యూనివర్సిటీ ప్రెసిడెంట్ కూచిబొట్ల ఆనంద్ మాట్లాడుతూ ఇప్పటికే అత్యున్నత విద్యా ప్రమాణాలకు ఈ యూనివర్సిటీ ప్రసిద్ది చెందింది. ఇప్పుడు నిర్మించబోతున్న విద్యా ప్రాంగణం ద్వారా కేవలం ఇక్కడ ఉండే ప్రజలకే కాకుండా దేశ వ్యాప్తంగా  ఉన్న విద్యార్థులకు అత్యున్నత విద్యను అందిస్తుందని తెలిపారు. ఈ యూనివర్సిటీని నిర్మించడానికి ఆరు నుండి ఎనిమిది సంవత్సరాల వరకు పట్టవచ్చని తెలుస్తోంది. కానీ మేజర్ పార్ట్ ను అయిదేళ్లలో పూర్తి చేయడానికి మా వంతు కృషి చేస్తామని ఆనంద్ తెలిపారు.
అయితే ఈ విశ్వవిద్యాలయం నిర్మాణానికి ఇప్పటి వరకు వేసిన అంచనా ప్రకారం దాదాపుగా 450 మిలియన్ డాలర్లు మన దేశ కరెన్సీలో  3,300 కోట్ల రూపాయలు అవుతుందని తెలుస్తోంది. ఈ యూనివర్సిటీ ద్వారా అన్ని రకాల విద్యా విషయాలను, కోర్స్ లను అందిస్తామని ప్రోవోస్ట్ చామర్తి రాజు చెప్పారు. ఈ ప్రాంతానికి సమీపంలో ఈ యూనివర్సిటీ రావడం పట్ల  స్థానిక ప్రజలు మరియు అధికారులు సంతోషంగా ఉన్నారు. ఈ నిర్మాణం వీలైనంత త్వరలో ప్రారంభించనున్నారని తెలుస్తోంది.

మరింత సమాచారం తెలుసుకోండి:

NRI

సంబంధిత వార్తలు: