ఎన్టీఆర్ అభిమానులకు మాస్ ట్రీట్ ఇవ్వడానికి మరోసారి సిద్ధమవుతున్నాడు. యాక్షన్ సినిమాలకు కొత్త నిర్వచనం ఇచ్చిన దర్శకుడు ప్రశాంత్ నీల్ దర్శకత్వంలో తెరకెక్కుతున్న ఈ భారీ ప్రాజెక్ట్‌పై రోజురోజుకీ అంచనాలు అమాంతం పెరుగుతున్నాయి. ప్రస్తుతం “డ్రాగన్” అనే వర్కింగ్ టైటిల్‌తో తెరకెక్కుతున్న ఈ సినిమా గురించి ఇండస్ట్రీ వర్గాల్లో వస్తున్న వార్తలు అభిమానుల్లో మరింత హైప్‌ను క్రియేట్ చేస్తున్నాయి. ముఖ్యంగా ఇప్పుడు బయటకు వచ్చిన ఓ లేటెస్ట్ అప్డేట్ అయితే సోషల్ మీడియాలో వైరల్‌గా మారింది.

సినిమా తదుపరి షెడ్యూల్‌లో ఓ స్పెషల్ సాంగ్‌ను చిత్రీకరించబోతున్నారట. సాధారణ పాటలా కాకుండా, ఈ సాంగ్ సినిమాకే హైలైట్‌గా నిలిచేలా భారీ స్థాయిలో డిజైన్ చేస్తున్నారని టాక్ వినిపిస్తోంది. ఇక ఈ పాటలో ఎన్టీఆర్ సరసన బాలీవుడ్ స్టార్ హీరోయిన్ అలియా భట్ కనిపించబోతుందనే వార్త అభిమానులను మరింత ఉత్సాహానికి గురి చేస్తోంది. ఇప్పటికే అలియా భట్‌కు పాన్ ఇండియా స్థాయిలో మంచి క్రేజ్ ఉండగా, ఎన్టీఆర్‌తో ఆమె జోడీ స్క్రీన్‌పై ఎలా కనిపిస్తుందో అన్న ఆసక్తి ప్రేక్షకుల్లో పెరుగుతోంది. ఈ పాటను కేవలం గ్లామర్ కోసమే కాకుండా, ఎన్టీఆర్ స్క్రీన్ ప్రెజెన్స్‌ను మరో లెవెల్‌లో చూపించేలా తెరకెక్కిస్తున్నారట. “ఎన్టీఆర్ ఈజ్ బ్యాక్” అని అభిమానులు గర్వంగా చెప్పుకునేలా ఈ సాంగ్‌లో ఎనర్జీ, స్టైల్, యాక్షన్ మిక్స్ అయి ఉంటుందని సినీ వర్గాలు చెబుతున్నాయి. ముఖ్యంగా ఎన్టీఆర్ డ్యాన్స్ స్టెప్స్, ఆయన స్క్రీన్ కమాండ్, ప్రశాంత్ నీల్ మార్క్ ఎలివేషన్స్ అన్ని కలిస్తే థియేటర్లలో ఫ్యాన్స్‌కు పూనకాలు ఖాయమనే కామెంట్స్ వినిపిస్తున్నాయి.

ఇప్పటికే ఈ సినిమా షూటింగ్‌కు సంబంధించిన కొన్ని వార్తలు సోషల్ మీడియాలో చక్కర్లు కొడుతుండగా, మేకర్స్ మాత్రం ప్రతి అంశాన్ని చాలా గోప్యంగా ఉంచుతున్నారు. అయితే మే 20న ఎన్టీఆర్ పుట్టినరోజు సందర్భంగా అభిమానులకు భారీ సర్‌ప్రైజ్ ఇవ్వాలని ప్లాన్ చేస్తున్నారట. ఈ సందర్భంగా మూవీ గ్లింప్స్‌ను విడుదల చేయడానికి సన్నాహాలు జరుగుతున్నాయని సమాచారం. ఈ గ్లింప్స్‌లో ఎన్టీఆర్ పాత్రను పవర్‌ఫుల్‌గా చూపించబోతున్నారని, ఆయన లుక్‌తో పాటు సినిమా ప్రపంచాన్ని కూడా రివీల్ చేసే అవకాశముందని టాక్.

ఇక ప్రశాంత్ నీల్ సినిమాలంటే ప్రేక్షకులకు ముందుగా గుర్తొచ్చేది డార్క్ టోన్ విజువల్స్. కానీ ఈసారి మాత్రం పూర్తిగా భిన్నంగా ఆలోచిస్తున్నారట. ఎన్టీఆర్‌తో తెరకెక్కిస్తున్న ఈ ప్రాజెక్ట్‌లో కలర్ ఫుల్ విజువల్స్‌కు ఎక్కువ ప్రాధాన్యం ఇస్తున్నారని సమాచారం. ఇప్పటివరకు ప్రశాంత్ నీల్ సినిమాల్లో కనిపించిన డార్క్ ఫ్రేమ్స్‌కు పూర్తి భిన్నంగా, ఈ సినిమా విజువల్ ట్రీట్‌గా ఉండబోతుందనే టాక్ ఇండస్ట్రీలో బలంగా వినిపిస్తోంది. ప్రతి ఫ్రేమ్‌ను స్టైలిష్‌గా, భారీ స్కేల్‌లో, పాన్ ఇండియా ప్రేక్షకులను ఆకట్టుకునేలా డిజైన్ చేస్తున్నారట. యాక్షన్ మాత్రమే కాదు, ఎమోషన్స్, మాస్ ఎలిమెంట్స్, స్టైలిష్ మేకింగ్ అన్ని కలిసి ఈ సినిమాను మరో స్థాయికి తీసుకెళ్లబోతున్నాయని అంటున్నారు. ముఖ్యంగా ఎన్టీఆర్ కెరీర్‌లో ఇదొక ప్రత్యేకమైన చిత్రం అవుతుందని అభిమానులు ఇప్పటినుంచే సోషల్ మీడియాలో పోస్టులు పెడుతున్నారు.

ఈ ప్రాజెక్ట్‌కు సంబంధించిన అధికారిక ప్రకటనలు రావాల్సి ఉన్నప్పటికీ, బయటకు వస్తున్న ప్రతి అప్డేట్ అభిమానుల్లో కొత్త ఉత్సాహాన్ని నింపుతోంది. ప్రశాంత్ నీల్ మార్క్ యాక్షన్, ఎన్టీఆర్ ఎనర్జీ, భారీ నిర్మాణ విలువలు అన్ని కలిసి ఈ సినిమా బాక్సాఫీస్ వద్ద సంచలనం సృష్టించే అవకాశాలు స్పష్టంగా కనిపిస్తున్నాయి. ఇప్పుడు అందరి దృష్టి మే 20న విడుదల కానున్న గ్లింప్స్‌పైనే ఉంది. ఆ వీడియో విడుదలైన తర్వాత సోషల్ మీడియా మొత్తం ఎన్టీఆర్ మేనియాతో మార్మోగిపోవడం ఖాయమని అభిమానులు నమ్మకంగా చెబుతున్నారు