అలాంటి ఐడియాలు రాజమౌళికి మాత్రమే సాధ్యం.. అనిల్ రావిపూడి కామెంట్స్ వైరల్!
ప్రముఖ టాలీవుడ్ దర్శకులలో ఒకరైన అనిల్ రావిపూడి గురించి ప్రత్యేకంగా పరిచయం చేయాల్సిన అవసరం లేదు. ఈయన తనదైన కామెడీ టైమింగ్తో కమర్షియల్ ఎంటర్టైనర్లను తెరకెక్కించడంలో దిట్ట. ఇటీవల విడుదలైన ఎస్.ఎస్. రాజమౌళి ప్రతిష్టాత్మక ప్రాజెక్ట్ 'వారణాసి' గ్లింప్స్ చూసి అనిల్ రావిపూడి ఎంతగానో ఆశ్చర్యపోయానని తెలిపారు. ఈ గ్లింప్స్ తనను విపరీతంగా ఆకట్టుకోవడంతో, చూసిన వెంటనే ఆయన ఆ చిత్రంలో ప్రధాన పాత్ర పోషిస్తున్న సూపర్ స్టార్ మహేష్ బాబుకు ఫోన్ చేసి చాలాసేపు మాట్లాడారట.
ఆ గ్లింప్స్ అంత భారీగా, క్రియేటివ్గా, ఉన్నత సాంకేతిక విలువలతో ఉంటుందని తాను ఊహించలేకపోయానని అనిల్ రావిపూడి వెల్లడించారు. ఆ గ్లింప్స్లో ఉన్న ప్రతి షాట్ తనను షాక్కు గురి చేసిందని, ఈ స్థాయిలో క్వాలిటీ, విజువల్స్ అద్భుతమని ఆయన తెలిపారు. ప్రతి ఫ్రేమ్ చూస్తుంటే ఒక కమర్షియల్ సినిమా కాకుండా, ఒక అసాధారణమైన 'టైమ్ ట్రావెలర్' అనుభూతిని లేదా సైన్స్ ఫిక్షన్ ఎంటర్టైన్మెంట్ను చూస్తున్న భావన కలిగిందని ఆయన అన్నారు.
దర్శకధీరుడు రాజమౌళి ఎంతటి ప్రతిభావంతుడో, ఆయన విజన్ ఎంత గొప్పదో అందరికీ తెలిసిందేనని, ఇప్పుడు ఈ 'వారణాసి' గ్లింప్స్ చూసిన తర్వాత, ఆయన నుంచి మరో అద్భుతం రానుందని అర్థమైందని అనిల్ రావిపూడి అభిప్రాయపడ్డారు. అంతేకాకుండా, మహేష్ బాబు ఎంట్రీ కోసం ఇటీవల జరిగిన గ్లోబ్ ట్రాటర్ ఈవెంట్లో రాజమౌళి బృందం ప్లాన్ చేసిన విధానం, క్రియేటివిటీ చూసి తనకు మాటలు రాలేదని, ఆ ప్రెజెంటేషన్ కూడా సినిమా రేంజ్లో ఉందని ఆయన చెప్పుకొచ్చారు. ఇలాంటి క్రియేటివ్ ఐడియాలు, భారీతనం రాజమౌళికి మాత్రమే సాధ్యమని అనిల్ రావిపూడి పేర్కొన్నారు.
ఈ వాట్సాప్ నెంబర్కు మీ జిల్లాలో రాజకీయ, సామాజిక సమస్యలు వివరాలు పంపండి..
ఏపీ, తెలంగాణలో వివిధ నియోజకవర్గాల్లో నెలకొన్న ప్రజల సమస్యలు, రాజకీయ పరమైన అంశాలను మా దృష్టికి తీసుకు రావాలనుకుంటున్నారా ? మీ సమస్య లేదా మీరు చెప్పే విషయం ఏదైనా క్లుప్తంగా 9490520108 నెంబరుకు వాట్సాప్ ద్వారా తెలియజేయండి.
నోట్ : వ్యక్తిగత సమస్యలు వద్దు
ఏపీ, తెలంగాణలో వివిధ నియోజకవర్గాల్లో నెలకొన్న ప్రజల సమస్యలు, రాజకీయ పరమైన అంశాలను మా దృష్టికి తీసుకు రావాలనుకుంటున్నారా ? మీ సమస్య లేదా మీరు చెప్పే విషయం ఏదైనా క్లుప్తంగా 9490520108 నెంబరుకు వాట్సాప్ ద్వారా తెలియజేయండి.
నోట్ : వ్యక్తిగత సమస్యలు వద్దు