ఈరోస్ ఉత్తర్వులే అఖండ2 కు అడ్డంకిగా మారాయా.. కొత్త రిలీజ్ డేట్ ఇదేనా?
నిన్న ఉదయం నుంచి సోషల్ మీడియాలో అఖండ 2 సినిమా గురించి ఒక వార్త తీవ్రంగా వైరల్ అవుతోంది. అదేంటంటే, ఈ భారీ చిత్రానికి ఆర్థిక ఇబ్బందులు ఎదురయ్యాయని. ఈ కథనాలకు బలం చేకూరుస్తున్న మరో అంశం ఏంటంటే, ఈరోస్ సంస్థ కోర్టు ద్వారా పొందిన ఉత్తర్వులు అఖండ 2 విడుదలకు పెద్ద అడ్డంకిగా మారాయని తెలుస్తోంది.
వాస్తవానికి, ఈ చిత్రం ఈ నెల మూడో వారంలో లేదా నాలుగో వారంలో విడుదలయ్యే అవకాశాలు ఉన్నాయని సమాచారం. ఈ సినిమా కోసం ఇప్పటికే యువ కథానాయకుడు శర్వానంద్ తన ప్రతిష్టాత్మక చిత్రం బైకర్ విడుదలను వాయిదా వేసుకున్నారు. ఈ నెల 6వ తేదీనే 'బైకర్' సినిమా విడుదలై ఉంటే, ఆ చిత్రానికి బాక్సాఫీస్ వద్ద ఖచ్చితంగా అది ఒక ప్లస్ పాయింట్ అయ్యేదన్న అభిప్రాయాలు వ్యక్తమవుతున్నాయి.
ప్రస్తుతం అందరి దృష్టి అఖండ 2 కొత్త రిలీజ్ డేట్ ప్రకటనపైనే ఉంది. ఈ ప్రకటన ఎప్పుడు వస్తుందో చూడాల్సి ఉంది. అయితే, ఈ నెలలో తమ సినిమాలను విడుదల చేయాలని భావిస్తున్న ఇతర నిర్మాతలు మాత్రం తీవ్ర ఆందోళనలో ఉన్నట్లు తెలుస్తోంది. అఖండ 2 వంటి భారీ చిత్రం విడుదలైతే, తమ చిన్న లేదా మీడియం బడ్జెట్ సినిమాల కలెక్షన్లపై తీవ్ర ప్రభావం పడుతుందేమోనని వారు భయపడుతున్నారు.
ఏదేమైనా, అఖండ 2 సినిమా విడుదల విషయంలో రాబోయే రోజుల్లో ఎలాంటి అనూహ్య ట్విస్టులు చోటు చేసుకుంటాయో, కోర్టు వివాదాలు ఎలా పరిష్కారమవుతాయో వేచి చూడాల్సిందే. డిసెంబర్ 5న (షెడ్యూల్ ప్రకారం) విడుదల కావాల్సిన అఖండ 2 చిత్రం వాయిదా పడినట్లు నిర్మాణ సంస్థ 14 రీల్స్ ప్లస్ అధికారికంగా ప్రకటించింది. "అనివార్య కారణాల" వల్ల ఈ నిర్ణయం తీసుకున్నామని, అభిమానులకు కలిగిన నిరాశకు చింతిస్తున్నామని, సమస్యను త్వరగా పరిష్కరించి సానుకూల అప్డేట్తో వస్తామని వారు తెలిపారు. ఈ వాయిదాకు ప్రధాన కారణం ఈరోస్ ఇంటర్నేషనల్ సంస్థ వేసిన పిటిషన్. గతంలో 14 రీల్స్ ఎంటర్టైన్మెంట్ (ప్రస్తుతం 14 రీల్స్ ప్లస్) నిర్మించిన మహేష్ బాబు చిత్రాలు '1-నేనొక్కడినే' మరియు 'ఆగడు' కారణంగా ఈరోస్కు సుమారు రూ. 28 కోట్ల వరకు బకాయిలు ఉన్నాయని, ఆ సెటిల్మెంట్ పూర్తయ్యే వరకు సినిమా విడుదలను ఆపాలని మద్రాస్ హైకోర్టులో స్టే విధించినట్లు తెలుస్తోంది.