ది ప్యారడైజ్ కోసం డేరింగ్ నిర్ణయం తీసుకున్న శ్రీకాంత్ ఓదెల.. యూత్ లో ఫిదా చేయనున్నాడా..?
తెలుగు సినీ పరిశ్రమలో తనకంటూ దర్శకుడిగా మంచి గుర్తింపును సంపాదించుకున్న వారిలో శ్రీకాంత్ ఓదెల ఒకరు. ఈయన నాని హీరోగా కీర్తి సురేష్ హీరోయిన్గా రూపొందిన దసరా అనే మూవీ తో దర్శకుడిగా కెరియర్ను మొదలు పెట్టాడు. ఈ మూవీ మంచి విజయం సాధించడంతో ఈయనకు దర్శకుడిగా మంచి గుర్తింపు ఏర్పడింది. ఈ సినిమా తర్వాత ఈయన మరోసారి నాని హీరోగా సినిమా చేస్తున్నాడు. నాని హీరోగా శ్రీకాంత్ ఓదెల దర్శకత్వంలో ప్రస్తుతం ది ప్యారడైజ్ అనే సినిమా రూపొందుతుంది. ఇప్పటికే ఈ సినిమా షూటింగ్ కూడా కొంత భాగం పూర్తయింది. ఈ మూవీ లో మోహన్ బాబు ఒ కీలకమైన పాత్రలో కనిపించబోతున్నాడు. అందుకు సంబంధించిన అధికారిక ప్రకటనను కూడా మేకర్స్ ఇప్పటికే విడుదల చేశారు.
ఈ సినిమాలో హీరోయిన్గా ఎవరు నటించబోతున్నారు అనే దానిపై మాత్రం మేకర్స్ ఇప్పటివరకు క్లారిటీ ఇవ్వలేదు. ప్రస్తుతం అందుతున్న సమాచారం ప్రకారం ఈ మూవీ లో మోస్ట్ బ్యూటిఫుల్ అండ్ మోస్ట్ హాటెస్ట్ బ్యూటీ ఖయాదు లోహర్ ను హీరోయిన్గా మేకర్స్ ఫైనల్ చేసినట్లు , అందుకు సంబంధించిన అధికారిక ప్రకటనను కూడా మరి కొన్ని రోజుల్లోనే ఈ మూవీ బృందం వారు విడుదల చేయనున్నట్లు ఓ వార్త వైరల్ అవుతుంది. ఈమె తెలుగులో చాలా కాలం క్రితం శ్రీ విష్ణు హీరో గా రూపొందిన అల్లూరి అనే మూవీ లో హీరోయిన్గా నటించింది. ఆ సినిమా బాక్స్ ఆఫీస్ దగ్గర ఫ్లాప్ అయ్యింది. మరి ది ప్యారడైజ్ మూవీ లో ఈమె హీరోయిన్గా సెలెక్ట్ అయితే ఈ తెలుగు సినిమాతో ఎలాంటి విజయాన్ని ఈ బ్యూటీ అందుకుంటుందో చూడాలి. ప్రస్తుతం కయాదు లోహాద్ కి యూత్ లో మంచి క్రేజ్ ఉంది. మరి ఈ సినిమాలో ఈమెకు ఆఫర్ దక్కితే ఈ మూవీ ద్వారా ఈమెకు ఎలాంటి గుర్తింపు దక్కుతుందో చూడాలి.