సూపర్ హిట్ కి సీక్వెల్.. కానీ బాక్స్ ఆఫీస్ దగ్గర చుక్కలు కనిపిస్తున్నాయిగా..?
కొన్ని సంవత్సరాల క్రితం సునీల్ హీరో గా సలోని హీరోయిన్గా ఎస్ ఎస్ రాజమౌళి దర్శకత్వంలో మర్యాద రామన్న అనే సినిమా వచ్చి అద్భుతమైన విజయాన్ని సొంతం చేసుకున్న విషయం మన అందరికీ తెలిసిందే. ఈ మూవీ సూపర్ సాలిడ్ విజయాన్ని అందుకున్న తర్వాత ఈ మూవీ ని హిందీ లో అజయ్ దేవగన్ హీరో గా సన్నాఫ్ సర్దార్ అనే టైటిల్ తో రీమేక్ చేశారు. ఈ మూవీ ఆ సమయం లో హిందీ బాక్స్ ఆఫీస్ దగ్గర అద్భుతమైన విజయాన్ని సొంతం చేసుకుంది. ఈ సినిమా విడుదల అయ్యి మంచి విజయం అందుకున్న తర్వాత నుండి ఈ సినిమాకి కొనసాగింపుగా సన్నాఫ్ సర్దార్ 2 రాబోతుంది అనే వార్తలు వచ్చాయి. కానీ అప్పట్లో ఈ సినిమా స్టార్ట్ కాలేదు.
ఎట్టకేలకు ఈ సినిమా యొక్క సీక్వెల్ కొంత కాలం క్రితం ప్రారంభం అయింది. తాజాగా ఈ సినిమా ప్రేక్షకుల ముందుకు వచ్చింది. సన్నాఫ్ సర్దార్ 2 సినిమాలో అజయ్ దేవగన్ హీరోగా నటించిన మోస్ట్ బ్యూటిఫుల్ అండ్ వెరీ టాలెంటెడ్ నటిమని మృనాల్ ఠాకూర్ ఈ సినిమాలో హీరోయిన్గా నటించింది. ఈ సినిమా మంచి అంచనాల నడుమ విడుదల అయిన ఆ అంచనాలను బాక్సా ఫీస్ దగ్గర అందుకోవడంలో కాస్త విఫలం అవుతుంది అని చెప్పుకోవచ్చు. ఇకపోతే సన్నాఫ్ సర్దార్ 2 సినిమాకు మొదటి రోజు 7.5 కోట్ల నెట్ కలెక్షన్లు దక్కగా , రెండవ రోజు 8.25 కోట్ల నెట్ కలెక్షన్లు దక్కాయి.
మూడవ రోజు 9 కోట్ల రేంజ్ లో ఈ సినిమాకు నెట్ కలెక్షన్లు వచ్చాయి. ఇక తొలి వర్కింగ్ డే రోజు ఈ మూవీ కి కేవలం రెండు కోట్ల నెట్ కలెక్షన్లు మాత్రమే వచ్చాయి. దానితో ఇప్పటివరకు ఈ సినిమాకు 27 కోట్ల లోపే నెట్ కలెక్షన్లు వచ్చినట్లు తెలుస్తోంది. ఈ సినిమాకు 140 కోట్ల రేంజ్ లో నెట్ కలెక్షన్లు వస్తే ఈ మూవీ హిట్ స్టేటస్ను అందుకునే అవకాశాలు ఉన్నట్లు తెలుస్తోంది. దానితో ఈ మూవీ బాక్స్ ఆఫీస్ దగ్గర పెద్ద స్థాయి విజయాన్ని అందుకునే అవకాశాలు లేవు అని చాలా మంది అభిప్రాయ పడుతున్నారు.