హరిహర వీరమల్లు బడ్జెట్ ఎన్ని కోట్లు క్లియర్ గా చెప్పేసిన దర్శకుడు.. మరి ఇంతా..?
పవర్ స్టార్ పవన్ కళ్యాణ్ హీరోగా నిధి అగర్వాల్ హీరోయిన్గా క్రిష్ జాగర్లమూడి దర్శకత్వంలో చాలా కాలం క్రితం హరిహర వీరమల్లు అనే సినిమా మొదలు అయిన విషయం మన అందరికీ తెలిసిందే. ఈ మూవీ కి ఎం ఎం కీరవాణి సంగీతం అందించగా ... ఈ మూవీ ని అత్యంత భారీ బడ్జెట్ తో ఏ ఏం రత్నం నిర్మించాడు. ఈ సినిమా షూటింగ్ చాలా సార్లు ఆగిపోతూ వచ్చింది. ఈ మూవీ దర్శకత్వ భాద్యతల నుండి క్రిష్ జాగర్లమూడి తప్పుకున్నాడు. దానితో జ్యోతి కృష్ణ అనే దర్శకుడు ఈ మూవీ కి సంబంధించిన మిగిలిన భాగం షూటింగ్ ను పూర్తి చేశాడు. ఈ మూవీ ని జూన్ 12 వ తేదీన విడుదల చేయనున్నట్లు మేకర్స్ కొంత కాలం క్రితం ప్రకటించారు.
కానీ తాజాగా ఈ మూవీ యూనిట్ ఈ సినిమాను జూన్ 12 వ తేదీన విడుదల చేయడం లేదు అని , మరో కొత్త తేదీని మరికొన్ని రోజుల్లో ప్రకటిస్తాం అని ప్రకటించింది. ఇది ఇలా ఉంటే తాజాగా ఈ మూవీ దర్శకుడు అయినటువంటి జ్యోతి కృష్ణ ఈ మూవీ కి ఎంత బడ్జెట్ ఖర్చు అయ్యింది ..? అలాగే ఈ సినిమాకు సంబంధించిన కొన్ని ఆసక్తికరమైన వివరాలను తెలియజేశాడు. తాజాగా జ్యోతి కృష్ణ మాట్లాడుతూ ... హరిహర వీరమల్లు సినిమాకు 250 కోట్ల బడ్జెట్ ఖర్చు అయ్యింది అని చెప్పాడు. అలాగే ఈ మూవీ లో బందర్ పోర్టుకు సంబంధించిన ఒక సన్నివేశం ఉంటుంది అని , అక్కడ వచ్చే యాక్షన్ సన్నివేశం ప్రేక్షకులను అద్భుతంగా ఆకట్టుకుంటుంది అని చెప్పుకొచ్చాడు.
అలాగే ఈ సినిమాలోని బందర్ పోర్టు సన్నివేశం గురించి రెండు సంవత్సరాలు కష్ట పడినట్లు కూడా జ్యోతి కృష్ణ చెప్పుకొచ్చాడు. ఏదేమైనా కూడా హరిహర వీరమల్లు సినిమాపై పవన్ అభిమానుల్లో భారీ ఎత్తున అంచనాలు నెలకొని ఉన్నాయి. ఇకపోతే ఈ సినిమా కొత్త విడుదల తేదీని ఎప్పుడు ప్రకటిస్తారో అనే దానిపై పవన్ అభిమానుల్లో అత్యంత ఆసక్తి నెలకొని ఉన్నట్లు తెలుస్తోంది.