మెగా ఫ్యాన్స్ కి వరస పెట్టి ట్రీట్స్ ఇస్తున్న అశ్విని దత్.. ఈసారి కూడా తప్పని గురి..?
టాలీవుడ్ సీనియర్ స్టార్ హీరోలలో ఒకరు అయినటువంటి మెగాస్టార్ చిరంజీవి గురించి ప్రత్యేక పరిచయం అవసరం లేదు. చిరంజీవి తన కెరీర్లో అశ్వినీ దత్ బ్యానర్లో చాలా సినిమాలలో నటించాడు. చిరంజీవి , అశ్విని దత్ బ్యానర్లో రూపొందిన సినిమాలలో చాలా సినిమాలు మంచి విజయాలను అందుకున్నాయి. ఇకపోతే అశ్విని దత్ , చిరంజీవి హీరోగా రూపొందిన ఇంద్ర మూవీ ని రూపొందించాడు. ఈ మూవీ ఆ సమయంలో టాలీవుడ్ ఇండస్ట్రీ హిట్ గా నిలిచింది. ఈ మూవీ ని కొంత కాలం క్రితం అశ్వినీ దత్ పెద్ద ఎత్తున రీ రిలీజ్ చేయగా రీ రిలీజ్ లో భాగంగా ఈ మూవీ కి మంచి కలెక్షన్లు వచ్చాయి.
చాలా సంవత్సరాల క్రితం చిరంజీవి హీరో గా రూపొందిన జగదేక వీరుడు అతిలోక సుందరి సినిమాను కూడా అశ్వినీ దత్ నిర్మించాడు. ఈ మూవీ 1990 సంవత్సరం మే 9 వ తేదీన విడుదల అయింది. ఈ సినిమా విడుదల అయ్యి ఈ సంవత్సరం మే 9 వ తేదీకి 35 సంవత్సరాలు కంప్లీట్ అయింది. దానితో ఈ సినిమా విడుదల 35 సంవత్సరాలు కంప్లీట్ అయిన నేపథ్యంలో ఈ సినిమాను రీ రిలీజ్ చేశారు. రీ రిలీజ్ లో భాగంగా ఈ సినిమా కూడా అద్భుతమైన ఇంపాక్ట్ ను బాక్సా ఫీస్ దగ్గర చూపించింది. ఇకపోతే జగదేక వీరుడు అతిలోక సుందరి సినిమాలో శ్రీదేవి హీరోయిన్గా నటించగా ... ఆ సమయంలో స్టార్ దర్శకులలో ఒకరిగా కెరియర్ను కొనసాగించిన దర్శకేంద్రుడు కే రాఘవేంద్రరావు ఈ సినిమాకు దర్శకత్వం వహించాడు.
ఇళయరాజా ఈ సినిమాకు సంగీతం అందించాడు. ఈ మూవీ విజయంలో ఇళయరాజా అందించిన సంగీతం కూడా అత్యంత కీలక పాత్రను పోషించింది. ఈ సినిమాలో చిరంజీవి , శ్రీదేవి జంటకు ప్రేక్షకుల నుండి , విమర్శకుల నుండి అద్భుతమైన ప్రశంసలు దక్కాయి. ఆ సమయంలో టాలీవుడ్ ఇండస్ట్రీ హిట్ గా నిలిచిన ఈ సినిమా రీ రిలీజ్ లో భాగంగా కూడా మంచి కలెక్షన్లను రాబట్టి బాక్స్ ఆఫీస్ దగ్గర మంచి ఇంపాక్ట్ ను చూపించింది.