హిట్ 3 సినిమాలో మార్పులు.. ఎందుకంటే?
న్యాచురల్ స్టార్ నాని వరుస సినిమాలతో దూసుకెళ్తున్నాడు. ప్రస్తుతం నాని హిట్ 3 సినిమాతో త్వరలో థియేటర్ లో రిలీజ్ కానుంది. మేలో హిట్ 3 సినిమా విడుదల ఉండడంతో మూవీ ప్రమోషన్స్ కూడా జరుగుతున్నాయి. ఈ సినిమా కోసం ప్రేక్షకులు ఆసక్తిగా ఎదురుచూస్తున్నారు. ఈ సినిమాలో హీరో నాని చాలా వైల్డ్ గా ఉంటారని.. మూవీ మొత్తం రక్త పాతంతో నిండి ఉంటుందని మూవీ మేకర్స్ స్పష్టం చేశారు. అయితే ఈ సినిమా రన్ టైమ్ 2 గంటల 30 నిమిషాలు ఉంది. అందుకని సినిమా రన్ టైమ్ ని ఒక 5 నుంచి 8 నిమిషాలు తగ్గించేందుకు కొన్ని సీన్స్ ని మూవీ డైరెక్టర్ ట్రిమ్ చేస్తున్నట్లు టాక్ వినిపిస్తుంది. రన్ టైమ్ తగ్గించి థియేటర్ లకు పంపించనున్నట్లు తెలుస్తోంది. దీంతో ఈ వార్త సినీ వర్గాల్లో తెగ వైరల్ అవుతుంది.
హీరో నాని ఇటు హీరోగా మూవీస్ లో నటిస్తూనే.. అటు నిర్మాతగా సినిమాలను తెరపైకి తీసుకొస్తున్నాడు. ఈ సినిమాకి శైలేష్ కొలను దర్శకత్వం వహించారు. ఈ మూవీకి హీరోయిన్ గా శ్రీనిధి శెట్టి నటిస్తుంది. ఇప్పటికే హిట్ 1, హిట్ 2 రిలీజ్ అయ్యి మంచి హిట్ కొట్టాయి. దీంతో వచ్చే నెల 1న హిట్ 3తో హీరో నాని ప్రేక్షకులను అలరించనున్నాడు. ఈ సినిమాకు సెన్సార్ సభ్యులు ఏ సర్టిఫికెట్ కూడా జారీ చేశారు.
ఇక ఇటీవలే స్టార్ హీరో నాని నిర్మాతగా కోర్ట్ - స్టేట్ vs ఎ నోబడీ అనే సినిమాను తెరకెక్కించారు. ఈ సినిమాలో రోషన్, శ్రీ దేవి ప్రధాన పాత్రలో నటించారు. అలాగే నటుడు ప్రియదర్శి, శివాజీ, సాయి కుమార్, హర్షవర్ధన్ సహాయక పాత్రలను పోషించారు. ఈ సినిమా ముఖ్యంగా పోక్సో చట్టం గురించి లోతుగా తెలిజేయడం కోసం తీసింది. ఈ సినిమా మంచి హిట్ టాక్ ని సొంతం చేసుకుంది. బాక్సాఫీస్ వద్ద భారీగా కలెక్షన్ లను కూడా రాబట్టింది.