శంకర్ సినిమా చూడడం కోసం నేను అంత పని చేశాను.. పవన్ కళ్యాణ్..?
టాలీవుడ్ ఇండస్ట్రీ లో అద్భుతమైన క్రేజ్ కలిగిన హీరోలలో ఒకరిగా కెరీర్ ను కొనసాగిస్తున్న వారిలో పవర్ స్టార్ పవన్ కళ్యాణ్ ఒకరు. పవన్ కళ్యాణ్ స్టార్ హీరో గా కెరియర్ ను కొనసాగిస్తున్న సమయంలోనే జనసేన అనే ఓ రాజకీయ పార్టీని స్థాపించాడు. ఇక 2024 వ సంవత్సరం ఆంధ్రప్రదేశ్ రాష్ట్రంలో జరిగిన అసెంబ్లీ , పార్లమెంట్ ఎన్నికలలో జనసేన పార్టీ తెలుగు దేశం , బి జె పి లతో పాటు పొత్తులో బాగంగా పోటీ చేయగా జనసేన పార్టీ పోటీ చేసిన అన్ని అసెంబ్లీ , పార్లమెంటు స్థానాలలో గెలుపొంది అద్భుతమైన విజయాన్ని అందుకుంది.
దానితో ప్రస్తుతం పవన్ కళ్యాణ్ ఉప ముఖ్యమంత్రి పదవి తో పాటు మరికొన్ని కీలక మంత్ర పదవుల్లో కూడా కొనసాగుతున్నాడు. ఇది ఇలా ఉంటే తాజాగా రామ్ చరణ్ , శంకర్ దర్శకత్వంలో గేమ్ చెంజర్ అనే సినిమాలో హీరో గా నటించిన విషయం మనకు తెలిసిందే. ఈ సినిమాను ఈ సంవత్సరం జనవరి 10 వ తేదీన విడుదల చేయనున్నారు. ఈ మూవీ విడుదల తేదీ దగ్గర పడడంతో నిన్న రాత్రి రాజమండ్రి లో ఈ మూవీ బృందం వారు ఓ ఫ్రీ రిలీజ్ ఈవెంట్ ను ఏర్పాటు చేశారు. ఈ ఫ్రీ రిలీజ్ ఈవెంట్ కు పవన్ కళ్యాణ్ ముఖ్య అతిథిగా విచ్చేశాడు.
ఇక ఈ సినిమా ఫ్రీ రిలీజ్ ఈవెంట్లో భాగంగా పవన్ కళ్యాణ్ అనేక ఆసక్తికరమైన విషయాలను చెప్పుకొచ్చాడు. అందులో భాగంగా శంకర్ గొప్ప దర్శకుడు అని , ఆయన సినిమాల్లో కమర్షియల్ అంశాలతో పాటు ఒక సోషల్ మెసేజ్ కూడా ఉంటుంది అని చెప్పాడు. అలాగే తన దర్శకత్వంలో రూపొందిన ఓ సినిమాను నేను బ్లాక్ లో టికెట్ కొని మరి చూశాను అని చెప్పుకొచ్చాడు. ఇకపోతే గేమ్ చేంజర్ మూవీ పై ప్రస్తుతానికి ప్రేక్షకుల్లో భారీ అంచనాలు ఉన్నాయి. మరి ఈ సినిమా ఏ స్థాయి విజయాన్ని అందుకుంటుందో చూడాలి.