విజయ్ దేవరకొండ ఫ్యాన్స్ కి.. కిక్కిచ్చే న్యూస్ చెప్పిన నిర్మాత.. ఇంతకీ అదేంటంటే?

frame విజయ్ దేవరకొండ ఫ్యాన్స్ కి.. కిక్కిచ్చే న్యూస్ చెప్పిన నిర్మాత.. ఇంతకీ అదేంటంటే?

praveen
నటుడు విజయ్ దేవరకొండ గురించి జనాలకు ప్రత్యేకంగా పరిచయం చేయాల్సిన పనిలేదు. ఇప్పుడు యూత్ లో.. ముఖ్యంగా అమ్మాయిల్లో విజయ్ దేవరకొండకి ఉన్న క్రేజ్ గురించి అందరికీ తెలిసిందే. 'అర్జున్ రెడ్డి' అనే సినిమాతో స్టార్ అయిన విజయ్ ఆ తరువాత 'గీత గోవిందం' సినిమాతో ఫామిలీ స్టార్ అనిపించుకుని అందరివాడయ్యాడు. అయితే ఆ తరువాత అతని సినీ కెరీర్ కాస్త డల్ అయిందని చెప్పుకోవచ్చు. ఎందుకంటే ఆ తరువాత వచ్చిన సినిమాలేవీ పెద్దగా ఆడిన దాఖలాలు లేవు కాబట్టి.

దాంతో రౌడీ బాయ్ ఫాన్స్ చాలా నిరాశగా ఉన్నారు. తమ హీరోనుండి సూపర్ హిట్ చిత్రమొచ్చి చాలా సంవత్సరాలు అయిపోయిందని ఫీల్ అవుతున్నారు. ఈ తరుణంలో అభిమానులకు ప్రముఖ సినిమా నిర్మాత 'నాగవంశీ' ఓ కిక్కిచ్చే కబురిని చెప్పుకొచ్చాడు. అవును, ప్రస్తుతం విజయ్ దేవరకొండ ‘VD12’తో బిజీగా ఉన్నాడు. ఈ సినిమాకి ‘జెర్సీ’ ఫేమ్ గౌతమ్ తిన్ననూరి దర్శకత్వం వహిస్తున్నాడు. కాగా ఈ సినిమా విజయ్ కెరీర్‌లోనే అత్యంత భారీ బడ్జెట్‌తో తెరకెక్కిస్తున్నట్లు తెలుస్తోంది. సితార ఎంటర్‌టైన్మెంట్ బ్యానర్‌పై నాగవంశీ ఈ సినిమాను నిర్మిస్తున్నారు.

అయితే, తాజాగా ఓ ఇంటర్వ్యూలో పాల్గొన్న నాగ వంశీ ఈ సినిమాపై భారీ హైప్ క్రియేట్ చేశాడు. అవును... ‘‘VD12’ 2 పార్టులుగా రాబోతోందని, సినిమా అవుట్ ఫుట్ అదిరిపోయిందని చెప్పుకొచ్చాడు. ఇక రెండు పార్టులు అన్న ఆలోచ‌న సినిమా తీస్తున్న టైంలో రాలేదు కానీ స్క్రిప్ట్ అనుకున్నప్పుడే ఈ ఆలోచ‌న వ‌చ్చింది... అంటూ షాక్ ఇచ్చాడు. అయితే ఫస్ట్ పార్ట్‌కి, సెకండ్ పార్ట్‌కి అసలు సంబంధం ఉండదు అంటూ చెప్పుకొచ్చాడు నాగ వంశీ. మొదట సినిమా కథ అనుకున్నప్పుడు 2 పార్టులుగా అనుకున్నారట. సెకండ్ పార్ట్ తీయాలి కాబట్టి.. ఫస్ట్ పార్ట్‌లో సస్పెన్స్ అనేది ఉండాలి. కానీ ప్రస్తుతం చేస్తున్న కథ మాత్రం అలా రొటీన్ సినిమా కదలాలా కాకుండా డిఫరెంటుగా ఉంటుంది అని చెప్పుకొచ్చాడు. అంతేకాకుండా 2 సపరేట్ కథలు అని చెప్పుకొచ్చారు. దాంతో ప్రజెంట్ నాగవంశీ కామెంట్స్ వైరల్ అవుతున్నాయి.

మరింత సమాచారం తెలుసుకోండి:

సంబంధిత వార్తలు: