20 ఏళ్ల మాస్ : ఆ రోజుల్లోనే అన్ని లాభాలు.. నాగ్ మాస్ హిట్..?
టాలీవుడ్ కింగ్ అక్కినేని నాగార్జున కొన్ని సంవత్సరాల క్రితం మాస్ అనే సినిమాలో హీరో గా నటించిన విషయం మన అందరికీ తెలిసిందే. జ్యోతిక , చార్మి ఈ సినిమాలో హీరోయిన్లుగా నటించగా ... రాఘవ లారెన్స్ ఈ మూవీ కి దర్శకత్వం వహించాడు. 2004 వ సంవత్సరం డిసెంబర్ 23 వ తేదీన విడుదల అయిన ఈ సినిమా భారీ విజయాన్ని అందుకుంది. ఇకపోతే ఈ సినిమా విడుదల అయ్యి నిన్నటితో 20 సంవత్సరాలు కంప్లీట్ అయింది. మరి ఈ సినిమా విడుదల అయ్యి 20 సంవత్సరాలు పూర్తి అయిన సందర్భంగా ఈ సినిమాకు ఎన్ని కోట్ల ఫ్రీ రిలీజ్ బిజినెస్ జరిగింది. ఎన్ని కోట్ల కలెక్షన్లు వచ్చాయి. మొత్తంగా ఈ సినిమాకి ఎన్ని కోట్ల లాభాలు వచ్చాయి అనే వివరాలను తెలుసుకుందాం.
టోటల్ బాక్సా ఫీస్ రన్ కంప్లీట్ అయ్యే సరికి ఈ మూవీ కి నైజాం ఏరియాలో 5.35 కోట్ల కలెక్షన్లు దక్కగా , సీడెడ్ ఏరియాలో 4 కోట్లు , ఉత్తరాంధ్రలో 2.10 కోట్లు , ఈస్ట్ లో 1.35 కోట్లు , వెస్ట్ లో 1.10 కోట్లు , గుంటూరు లో 1.55 కోట్లు , కృష్ణ లో 1.10 కోట్లు , నెల్లూరు లో ఒక కోటి కలెక్షన్లు వచ్చాయి. మొత్తంగా ఈ మూవీ కి రెండు తెలుగు రాష్ట్రాల్లో కలిపి 17.55 కోట్ల కలెక్షన్లు వచ్చాయి. ఇక రెస్ట్ ఆఫ్ ఇండియా ప్లస్ ఓవర్సీస్ లో కలుపుకొని ఈ మూవీ కి 1.80 కోట్ల కలెక్షన్లు వచ్చాయి. మొత్తంగా ఈ సినిమాకి ప్రపంచ వ్యాప్తంగా 19.35 కోట్ల కలెక్షన్లు వచ్చాయి. ఈ సినిమాకు 12.33 కోట్ల ప్రీ రిలీజ్ బిజినెస్ జరగగా , ఈ మూవీ టోటల్ బాక్స్ ఆఫీస్ రన్ కంప్లీట్ అయ్యే సరికి ప్రపంచ వ్యాప్తంగా 19.35 కోట్ల షేర్ కలెక్షన్లను రాబట్టింది. దానితో ఈ మూవీ ద్వారా బయ్యర్లకి 7.02 కోట్ల లాభాలు వచ్చాయి. అలా ఈ మూవీ ఆ సమయంలో భారీ లాభాలను అందుకొని బ్లాక్ బస్టర్ విజయాన్ని సొంతం చేసుకుంది.