గేమ్ ఛేంజర్ :రాంచరణ్ క్యారెక్టర్ లో సూపర్ ట్విస్ట్.. శంకర్ ప్లాన్ అదిరిందిగా..!!
రామ్చరణ్ హీరోగా రూపొందిన చిత్రం గేమ్ చేంజర్‌. కియారా అద్వానీ హీరోయిన్‌గా నటించారు. శంకర్ దర్శకత్వంలో అనిత సమర్పణలో శ్రీ వెంకటేశ్వర క్రియేషన్స్, జీ స్టూడియోస్, దిల్‌ రాజు ప్రొడక్షన్స్‌ పతాకాలపై దిల్‌ రాజు, శిరీష్‌ నిర్మించిన ఈ చిత్రం జనవరి 10న విడుదల కానుంది.ఇదిలావుండగా స్టార్ హీరోల పాత్రలకు ఏదైనా శారీరక లోపం పెట్టి మాస్ ని ఒప్పించడం చాలా కష్టం. కానీ సుకుమార్ దాన్ని సాధ్యం చేసి చూపించారు. రంగస్థలంలో రామ్ చరణ్ కు చెవుడు పెట్టడం ద్వారా అన్ని వర్గాలను మెప్పించి బ్లాక్ బస్టర్ అందుకున్నారు.ఈ నేపథ్యంలోనే రాబోయే గేమ్ ఛేంజర్ లోనూ డైరెక్టర్ శంకర్ చరణ్
క్యారెక్టర్ కు అలాంటి ట్విస్టు ఒకటి ఉంచినట్టు సమాచారం.కాకపోతే ఆ క్యారెక్టర్ నూ ఫ్లాష్ బ్యాక్ కి పరిమితం చేశారట.ఇన్ సైడ్ టాక్ ప్రకారం సెకండాఫ్ లో పెద్ద వయసు అప్పన్నగా కనిపించే రామ్ చరణ్ నత్తితో మాట్లాడతాడు. అయితే అది ఎబ్బెట్టుగా కాకుండా కథలో ముఖ్యమైన ఉద్దేశాన్ని ముందుకు తీసుకెళ్లి ఒక కీలకమైన ట్విస్టుకి కారణం అవుతుందని అంటున్నారు. ఈ పాయింట్ ని ప్రేక్షకులు కనక సరిగా రిసీవ్ చేసుకుంటే అప్పన్న ఎపిసోడ్ మొత్తం ఓరేంజులో పేలిపోతుందని యూనిట్ ఊరిస్తున్నారు. పెర్ఫార్మన్స్ పరంగా చరణ్ దీన్ని అద్భుతంగా పోషించాడని, రంగస్థలం, ఆర్ఆర్ఆర్ మించి పేరు రావడం ఖాయమని షూటింగ్ టాక్. రామ్ నందన్ ఐఎఎస్ మాత్రం పూర్తి ఆరోగ్యంతో అసలు విలన్ల భరతం పడతాడు.ఇదిలావుండగా ఇప్పటికే ఈ సినిమా నుంచి జరగండి జరగండి,రా మచ్చా పాటల లిరికల్‌ వీడియోలను విడుదల చేశారు. తాజాగా రామ్చరణ్, కియారా కాంబినేషన్‌లో రూపొందిన ఓ మెలోడీ సాంగ్‌ను ఈ నెల 28న రిలీజ్‌ చేయనున్నట్లు వెల్లడించారు. ఈ సినిమాకి తమన్‌ స్వరకర్త. ఇక ఈ సినిమా తాజా షెడ్యూల్‌ మైసూర్‌లో ఆరంభమైంది. ఈ షూట్‌లో పాల్గొనేందుకు ఆది వారం రామ్చరణ్ మైసూర్‌ వెళ్లారు.