తొలిసారి అలాంటి ప్రయోగం చేస్తున్న నాని.. సక్సెస్ అవుతాడా..?
నాచురల్ స్టార్ నాని ప్రస్తుతం వరుస సినిమాలు చేస్తూ దూసుకుపోతున్నాడు.అద్భుతమైన నటనతో నాని ఎన్నో సూపర్ హిట్ లు తన ఖాతాలో వేసుకున్నాడు.నాని రీసెంట్ గా "సరిపోదా శనివారం" సినిమాతో ప్రేక్షకుల ముందుకు వచ్చాడు.వివేక్ ఆత్రేయ తెరకెక్కించిన ఈ సినిమా ప్రేక్షకులను ఎంతగానో ఆకట్టుకుంది.శనివారం మాత్రమే గొడవలకు వెళ్లే పాత్రలో నాని అద్భుతంగా నటించాడు.అలాగే ఈ సినిమాలో విలక్షణ నటుడు ఎస్.జె.సూర్య విలన్ గా నటించాడు.సైకో విలన్ పాత్రలో ఎస్.జె.సూర్య అద్భుతంగా నటించాడు.ప్రస్తుతం నాని తనకి దసరా వంటి బ్లాక్ బస్టర్ ఇచ్చిన శ్రీకాంత్ ఓదెలతో మరో సినిమాను మొదలు పెట్టారు.పారడైజ్ అనే డిఫరెంట్ టైటిల్ తో తెరకెక్కుతున్న ఈ సినిమా నాని కెరీర్ లో దసరా కంటే మరింత భారీ విజయం అందుకుంటుందని మేకర్స్ తెలిపారు. అలాగే నాని శైలేష్ కొలను దర్శకత్వంలో హిట్ 3 సినిమాలో కూడా నటిస్తున్నాడు.ఈ సినిమాలో కెజిఎఫ్ ఫేమ్ శ్రీనిధి శెట్టి హీరోయిన్ గా నటిస్తుంది.
ఇదిలా ఉంటే నాని మరోవైపు ‘ఓజీ’ దర్శకుడు సుజీత్ దర్శకత్వంలో ఓ సినిమా చేయబోతున్న సంగతి తెలిసిందే.నాని, సుజీత్ కాంబినేషన్లో వస్తున్న సినిమాకి వెంకట్ బోయనపల్లి నిర్మాతగా వ్యవహరిస్తున్నారు. ప్రస్తుతం నాని చేయాల్సిన రెండు సినిమాలు పూర్తయిన తరువాత సుజీత్ సినిమా ఉంటుందని, స్క్రిప్ట్ పనులు కూడా జరుగుతున్నాయని సమాచారం. ఇకపోతే ఈ సినిమాకు సంబంధించి ఇంకో విషయం బాగా వైరల్ గా మారింది. ఈ సినిమాలో హీరో పాత్రతో పాటు మరో పాత్ర కూడా కీలకంగా ఉంటుందని సమాచారం.అది దాదాపు హీరోతో సమానమైన పాత్ర అని తెలుస్తుంది. ఈ సినిమా మల్టీస్టారర్ గా తెరకెక్కబోతోంది అని ఇన్సైడ్ టాక్. అయితే నానితో పాటు ఎవరు మరో హీరోగా నటిస్తున్నారు..అనేది ఆసక్తికరంగా మారింది. నిజానికి తన పాత్రను మించిన పాత్ర సినిమాలో ఉన్నా కూడా నాని ఏ రోజు కూడా ఫీల్ అవ్వకుండా.. ప్రయోగాలు చేయడానికి మాత్రమే ఇష్టపడుతూ ఉంటాడు.తాజాగా సుజీత్ సినిమాతో నాని చేస్తున్న ప్రయోగంతో సక్సెస్ అందుకుంటాడో లేదో చూడాలి...