హీరోని మార్చిన వంశీ పైడిపల్లి.. మెల్లిమెల్లిగా తెలుగు వాళ్లకు దూరం కానున్నాడా..?
తెలుగు సినీ పరిశ్రమలో మంచి గుర్తింపును కలిగి ఉన్న దర్శకులలో వంశీ పైడిపల్లి ఒకరు. ఈయన మున్నా అనే సినిమాతో దర్శకుడిగా కెరియర్ను మొదలు పెట్టాడు. మొదటి సినిమాతో ఈయనకు అపజయం వచ్చింది. ఆ తర్వాత జూనియర్ ఎన్టీఆర్ తో బృందావనం అనే సినిమాను తెరకెక్కించి బ్లాక్ బాస్టర్ విజయాన్ని సొంతం చేసుకున్నాడు. ఇకపోతే ఈయన ఈ మధ్య కాలంలో తెలుగు హీరోలతో కంటే పక్క భాష హీరోలతో సినిమాలను తెరకెక్కించడానికి అత్యంత ఎక్కువ ఆసక్తిని చూపిస్తున్నట్లు తెలుస్తోంది. ఈయన కొంత కాలం క్రితం ఊపిరి అనే మూవీ ని రూపొందించాడు.
ఇందులో నాగార్జున తో పాటు తమిళ నటుడు అయినటువంటి కార్తీ కూడా ప్రధాన పాత్రలో నటించాడు. ఇకపోతే వంశీ ఆఖరుగా వారిసు అనే సినిమాకు దర్శకత్వం వహించాడు. ఈ సినిమాలో కోలీవుడ్ స్టార్ హీరో తలపతి విజయ్ హీరో గా నటించాడు. ఈ మూవీ మంచి అంచనాల నడుమ విడుదల అయ్యి మంచి విజయాన్ని అందుకుంది. ఇకపోతే వారిసు సినిమా తర్వాత ఈ దర్శకుడు హిందీ నటుడు షాహిద్ కపూర్ తో ఓ సినిమా చేయనున్నట్లు , దీనిని దిల్ రాజు నిర్మించనున్నట్లు ఓ వార్త వైరల్ అయింది. కానీ ఈ మధ్య కాలంలో ఇందుకు సంబంధించిన ఎలాంటి వార్తలు బయటకు రావడం లేదు.
ఇకపోతే తాజాగా వంశీ నెక్స్ట్ మూవీ కి సంబంధించిన ఓ క్రేజీ న్యూస్ వైరల్ అవుతుంది. వంశీ తన నెక్స్ట్ మూవీ ని షాహిద్ కపూర్ తో కాకుండా బాలీవుడ్ స్టార్ నటులలో ఒకరు అయినటువంటి అమీర్ ఖాన్ తో చేయబోతున్నట్లు , ఈ సినిమాను దిల్ రాజు నిర్మించనున్నట్లు ఓ వార్త ప్రస్తుతం సోషల్ మీడియాలో వైరల్ అవుతుంది. ఇలా వంశీ ఈ మధ్య కాలంలో తెలుగు హీరోల కంటే కూడా ఇతర భాష హీరోలతో సినిమాలు చేయడానికి చాలా ఇంట్రెస్ట్ ఉంది చూపుతున్నట్లు కొంత మంది భావిస్తున్నారు.